इडिपस कम्प्लेक्समा ‘तिर्खा’

कान्तिपुर संवाददाता

लेखनाथ — मनोवैज्ञानिक सिग्मन्ड फ्रायडले भनेका थिए, ‘बाल्यकालको कुनै चरणमा विपरीतलिंगीका अभिभावकप्रति उसको यौनभावना जागृत हुन्छ ।’ यसलार्ई उनले इडिपस कम्प्लेक्स भनेका छन् । 

यही इडिपस कम्प्लेक्सलाई पोखरेली दर्शकले रंगमञ्चमा हेर्न पाउने भएका छन् । चे शंकरको निर्देशन र परिकल्पनामा नाटक ‘तिर्खा’ पोखरा थिएटरमा मञ्चन हुँदै छ । २० औं शताब्दीका महान् नाटककार युजिन ओनिलले नाटक लेखेका हुन् ।

नाटकमा पुलिट्जर र साहित्यमा नोबेल पुरस्कार विजेता ओनिलको ‘लङ डेज जर्नी इन टु नाइट’, ‘वियोन्ड दी युनिभर्स’, ‘अ विल्डरनेस’, ‘आना क्रिस्टी’ लगायत नाटक चर्र्चित छन् ।

सन् १९२४ मा न्यु इंग्ल्यान्डको ग्रामीण परिवेशलाई लिएर लेखिएको यो एक दु:खान्त नाटक हो । नाटक एक शताब्दीअघि लेखिए पनि वर्तमान समयमा पनि उत्तिकै सान्दर्भिक रहेको निर्देशक चे शंकर बताउँछन् ।

भन्छन्, ‘मातृत्वको अभावले सिर्जना गर्ने मनोवैज्ञानिक असर, हरेक पात्रको चाहना, त्यो प्राप्तिका लागि गरिने आसक्ति र त्यसले व्यक्ति र समाजमा पार्ने प्रभावलाई नाटकमा देखाउने प्रयास गरिएको छ ।’

नाटकको विषयवस्तु र प्रस्तुतिलाई मध्यनजर गर्दै १६ वर्षभन्दा माथिका दर्शकलाई मात्र देखाइँदै छ । पोखरा थिएटरका अध्यक्ष परिवर्तन पोखरेली दर्शकले ‘तिर्खा’ मा फरक स्वाद पाउने बताउँछन् ।

नाटकमा पोखरेली कलाकार शरद भण्डारी, रमेशबाबु तिमल्सिना, निश्चल विमल, सीमा गुरुङ, नवराज गिरी, ईश्वर कार्की, विष्णु तिमिल्सिना, सोनिया खत्री, प्रतिभा अधिकारी र दिवानी तामाङको अभिनय हुनेछ ।

प्रकाशित : जेष्ठ ८, २०७६ १०:०८
ADVERTISEMENT
प्रतिक्रिया
पठाउनुहोस्

अब फिल्मको प्रोजेक्ट बिमा

कान्तिपुर संवाददाता

काठमाडौँ — अधिक जोखिमको क्षेत्रका रूपमा हेरिने फिल्म निर्माणमा अब भने प्रोजेक्ट बिमा हुने भएको छ । राजधानीमा एक कार्यक्रम गरी लुम्बिनी जेनेरल इन्स्योरेन्सले चलचित्र निर्माता संघसँग उक्त प्रोजेक्टका लागि एक करोड रुपैयाँसम्मको बिमा गर्न सहमत भएको हो । 

सोमबार निर्माता संघका अध्यक्ष आकाश अधिकारी र इन्स्योरेन्स कम्पनीका सीईओ एनपी प्रधानले प्रोजेक्ट बिमाका लागि सम्झौता पत्रमा हस्ताक्षर गरेका छन् । सम्झौताअनुसार, निर्माताले पेस गरेको फिल्मको बजेटको एक प्रतिशत रकम बिमा कम्पनीलाई बुझाउनुपर्नेछ भने फिल्मको छायांकन अवधिको चार महिनामा कुनै पनि क्ष्ँति भएमा एक महिनाभित्रै क्षतिपूर्ति भर्पाइ हुने बताइएको छ ।

‘क्षतिमा फिल्मका उपकरण मात्रै नभई, कुनै भवितव्यमा परी कलाकार तोकिएको समयमासुटिङ सेटमा पुग्न नसकी फिल्मको छायांकन अवरुद्ध भयो भने पनि त्यसको क्षतिको उचित मूल्यांकन गरी बिमा कम्पनीले बेहोर्ने भएको छ,’ सम्झौतापछि संघ अध्यक्ष अधिकारीलेजानकारी दिए ।

उनका अनुसार, खिचिएको फिल्मको हार्ड डिस्क हरायो वा बिग्रियो र पुन: छायांकन गर्नुपर्ने अवस्थामा पनि बिमाले त्यसको सम्पूर्ण क्षति बेहोर्ने उल्लेख गरे ।

प्रोजेक्ट बिमाले फिल्म निर्माणको जोखिमलाई केही कम गर्ने र आफूहरूलाई राहत दिने निर्माताहरूले बताएका छन् ।

प्रकाशित : जेष्ठ ८, २०७६ १०:०७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT