स्रष्टा र सिर्जनामा वल

कान्तिपुर संवाददाता

काठमाडौँ — चुरेभावर क्षेत्रबाट ठीक माथि पर्छ महाभारत पर्वत शृंखला । तामाङ समुदायको घना बसोबास रहेको काभ्रे, सिन्धुली र मकवानपुरको महाभारत क्षेत्रमा केकस्तो परिवर्तन आइरहेको छ ?

बिहीबार राजधानीमा कवितामार्फत प्रस्तुत गर्दै थिए कवि फूलमान वल । सांस्कृतिक संस्थानको एकल कविता वाचन शृंखला ‘स्रष्टा र सिर्जना’ मा यसपटक कवि वल प्रस्तुत भएका हुन् । उनले विभिन्न विषय र भावका एक दर्जन कविता सुनाए ।

उनले ‘महाभारतकी मैंच्याङ’, ‘आजका मान्छे’, ‘शीतलहर’, ‘बुद्धसँग जम्काभेट’, ‘दोस्रो जुनी’, ‘इन्द्रेणी गीत’, ‘वाग्मतीको आत्मलाप’, ‘भ्यालेन्टाइन्स डेको जुन’, ‘निद्रा’, ‘भुइँचालो’ लगायतका कविता सुनाए । एक कथासंग्रह, एक कविता संग्रह र दुई नाट्य कृतिका सर्जन वलका कवितामा सौम्य र शालीन व्रिदोही चेतना पाइने लेखक एवं राजनीतिकर्मी रघुजी पन्तले बताए । उनले रूसी साहित्यकार पुस्किनको उदाहरण दिँदै वलका कवितामा भिन्नै शैली, भूगोल र चेतना पाइने दाबी गरे ।

कवितामाथि समीक्षा गर्दै वासुदेव अधिकारीले वलका कवितामा तामाङ समाजको सजीव चित्रण भेटिने बताए । वलका सिर्जना र व्यक्तित्वमाथि कवि अनिल पौडेल, खेम नेपाली, संस्कृतिविद् खगेन्द्र राई, सांस्कृतिक संस्थानका महाप्रबन्धक राजेश थापा, कवि अनिता लामालगायतले प्रकाश पारेका थिए ।

प्रकाशित : जेष्ठ १७, २०७६ ०९:४७
ADVERTISEMENT
प्रतिक्रिया
पठाउनुहोस्
ADVERTISEMENT

दैनिक ६५ हजारले मात्र ग्रेटवाल घुम्न पाउने

कान्तिपुर संवाददाता

बेइजिङ — चीनले ग्रेटवाल घुम्ने पर्यटकको संख्या क्षमताभन्दा बढी हुन थालेपछि संख्या सीमा तोकेको छ । जुन १ देखि बेइजिङको पातालिङ क्षेत्रबाट ग्रेटवाल घुम्न आउने पर्यटकको संख्या तोकिएको छ ।

अबदेखि दैनिक ६५ हजारभन्दा बढीले त्यहाँ भ्रमण गर्न नपाउने नियम बनाइएको छ । पर्यटनको ‘पिक सिजन’ चल्दै गर्दा चिनियाँ अधिकारीले यस्तो निर्णय गरिएको हो ।

बेइजिङमा पातालिङका साथै मुत्यान यु र च्वियोङक्वान नाका ग्रेटवाल चढ्नका लागि सबैभन्दा लोकप्रिय क्षेत्र हुन् । च्वियोङक्वानस्थित युनथाई नामक गेटमा रञ्जना लिपि कुँदिएको छ ।

तर, जानकारी नपाएका कारण नेपालबाट गएका पर्यटकले सजिलो मार्ग रोज्ने गरेका छन् । सजिलो मार्गका रूपमा बेइजिङदेखि ६० किलोमिटर उत्तर–पश्चिम यानछिङ जिल्लामा पर्ने पातालिङलाई लिने गरिएको छ ।

प्रकाशित : जेष्ठ १७, २०७६ ०९:४५
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT