६ कविलाई पदक र पुरस्कार

कान्तिपुर संवाददाता

काठमाडौँ — नेपाल प्रज्ञा प्रतिष्ठानद्वारा गतवर्ष आयोजित राष्ट्रिय कविता महोत्सवका विजेताहरूलाई मंगलबार राजधानीमा राष्ट्रपति विद्यादेवी भण्डारीले पुरस्कृत गरेकी छन् ।

महोत्सवमा प्रथम भएका फूलमान वललाई राष्ट्रपति भण्डारीले स्वर्ण पदकसहित ३० हजार रुपैयाँ, दोस्रो हुने सुनिता खनाललाई कास्य पदकसहित २५ हजार रुपैयाँ र तृतीय हुने मेनुका चापागाईं र एलिना दुलाललाई जनही २० हजार रुपैयाँ रजत पदक हस्तान्तरण गरेकी हुन् ।

राष्ट्रपति कार्यालय शीतल निवासमा आयोजित पुरस्कार वितरण समारोहमा २०७२ को महोत्सवमा पुरस्कार दिन बाँकी रहेका प्रथम प्रोल्लास सिन्धुलिया र द्वितीय सरस्वती दुमी राईलाई पनि राष्ट्रपति भण्डारीले पुरस्कार प्रदान गरिन् । समारोहमा भण्डारीले नेपाली साहित्य सिर्जनाले माटोको सुगन्ध प्रस्तुत गर्दै मुलुकको सामाजिक रूपान्तरणमा विशिष्ट योगदान दिँदै आएको बताइन् ।

प्रतिष्ठानका कुलपति गंगाप्रसाद उप्रेतीले कविलाई सिर्जनामा उत्प्रेरित गर्ने उद्देश्यले विसं २०२२ देखि नै कविता महोत्सव गरिँदै आएको बताए । सदस्यसचिव जगत्प्रसाद उपाध्यायले आगामी दिनमा महोत्सवलाई अझ व्यवस्थित र देशव्यापी बनाउने बताए ।

प्रकाशित : असार ४, २०७६ १०:११
प्रतिक्रिया
पठाउनुहोस्

मंगलबार चीनमा गएको भूकम्पमा परी कम्तीमा १२ को मृत्यु, सयभन्दा बढी घाइते

कान्तिपुर संवाददाता

सिचुआन — चीनको दक्षिण–पश्चिमी प्रान्त सिचुआनमा शक्तिशाली भूकम्प गएको छ । अधिकारीका अनुसार भूकम्पका कारण कम्तीमा सय घाइते छन् । 

चिनियाँ सञ्चारमाध्यका अनुसार प्रान्तीय राजधानी छेङ्दुबाट दक्षिण पूर्वमा पर्ने यिविनमा ६ म्याग्निच्युडकोभूकम्प गएको हो । सोमबार अबेरको भूकम्पलगत्तै दर्जनौं पराकम्प गएका बीबीसीले उल्लेख गरेको छ ।

टेलिभिजनमा प्रसारित दृश्यहरूमा सुरक्षाकर्मीहरूले भूकम्पका कारण भत्केका भवनका पुरिएकाहरूको उद्धार गरिरहेका देखिन्छन् । भूकम्पपछि घरहरू भत्केपछि कम्तीमा ४ हजार मानिसलाई सुरक्षित स्थानमा सारिएको चिनियाँ सरकारी सञ्चारमाध्यमले उल्लेख
गरेका छन् ।

चिनियाँ सेन्ट्रल टेलिभिजनले भूकम्पपछि कपितय स्थानमा पहिलो गएको र सडकहरू अवरुद्ध भएका दृश्यहरू प्रसारण गरेका छन् । समाचार संस्था सिन्हवाका अनुसार यिविन र छुयोङबीचको मुख्य राजमार्गसहित कम्तीमा कैयौं सडक अवरुद्ध छन् ।

छेङ्दुबाट करिब ३ सय किलोमिटर टाढा भूकम्प जानुअघि एक मिनेट चेतावनीमूलक साइरन बजेको सिन्हवाले जनाएको छ । भूकम्प प्रभावित क्षेत्रमा उद्धार तथा राहत वितरणका लागि करिब ५ हजार सुरक्षाकर्मी परिचानलन गरिएको जनाइएको छ ।

चीनको सिचुआनमा पटकपटक भूकम्प जाने गरेको छ । सन् २००८ मा छेङ्दुको उत्तर–पश्चिम क्षेत्रमा गएको ७.९ म्याग्निच्युडको भूकम्पका कारण ८७ हजारभन्दा बढी मानिसको ज्यान गएको थियो । सन् २०१७ माछेङ्दुको उत्तरी क्षेत्रमा गएको भूकम्पमा परी २० जनाको मृत्यु भएको थियो ।

प्रकाशित : असार ४, २०७६ १०:०७
पूरा पढ्नुहोस्
प्रतिक्रिया
पठाउनुहोस्