हुम्लाको सिमकोटमा काँग्रेस, चेखेलीमा माओबादी र अदानचुलीमा एमाले विजयी
हुम्ला — हुम्लाको सिमकोट गाँउ पालिकाको अध्यक्षमा काँग्रेसका पदमबहादुर लामाले १३६५ मत ल्याएर विजयी भएका छन् । प्रतिस्पर्धी माओबादी केन्द्रका महेन्द्रबहादुर शाहीले १२४२ मत ल्याए ।
उपाध्यक्षमा स्वतन्त्र वली रावतले १३७५ मत ल्याएर विजयी भएका छन् । काँगेसकी सुली रोकायाले १२५० मत पाएकी छिन ।
चेखेली गाँउ पालिकाको अध्यक्षमा माओवादी केन्द्रका धनलाल चौलागाइले १२२४ मत ल्याई विजयी भएका छन् । उपाध्यक्षमा एमालेकी विमला शाहीले १०३५ मतले विजयी भएकी छिन् ।
अदानचुली गाँउ पालिकामा एमालेका दल फडेराले ११८५ मत र उपाध्यक्षमा एमालेकी सौमती ऐडीले ११७३ मत ल्याएर विजयी भएकी छिन ।
प्रकाशित : जेष्ठ ३, २०७४ ०९:३६प्रतिक्रिया