रामेछापको दोरम्बामा माओवादी विजयी
रामेछाप — रामेछापको दोरम्बा गाउँपालिकाको प्रमुख पदमा माओवादी केन्द्रका उम्मेदवार कमानसिं लामा विजयी भएका छन् । उनले ४ हजार २ सय ४१ मत प्राप्त गरेका थिए । लामालाई पछ्याइरहेका एमालेका प्रेम लामाले ३ हजार ७ सय ४५ मत पाएका थिए ।
यसैगरी उपप्रमुखमा माओवादीकै कृशला घिसिङ विजयी भएकी छिन् । घिसिङले ४ हजार ३ सय ८९ मत पाएकी थिइन् । उपप्रमुखका लागि एमालेकी सुभद्रा पाठक कँडेलले ३ हजार ५ सय ९९ मत पाएकी थिइन् ।
साविक लखनपुर घर भएका लामा जनमुक्ति सेनाका कमाण्डर हुन् । उनी सेना समायोजनपछि खुल्ला राजनीतिमा आएका हुन् ।
प्रकाशित : जेष्ठ ४, २०७४ १०:०१प्रतिक्रिया