रामेछाप नगरपालिकामा कांग्रेस विजयी
काठमाडौं — रामेछाप नगरपालिकामा मेयरमा कांग्रेसका उम्मेदवार नरबहादुर थापा मगरले विजय हासिल गरेका छन् । उनले ४ हजार ४ सय १ मत पाए । उनका प्रतिस्पर्धी एमालेका रोशन पाख्रिनले ४ हजार ३ सय मत पाए ।
यसैगरी, उपमेयरमा कांग्रेसकी श्रृजना खड्का विजयी भएकी छन् । उनले ४ हजार ३ सय ३ मत पाएकी थिइन् । खड्कालाई पछ्याइरहेकी एमालेकी शान्ता सापकोटाले ३ हजार ९ सय ९४ मत पाएकी थिइन् ।
रामेछापका २ नगरपालिका मध्ये मन्थली नगरपालिकामा एमालेका दुवै उम्मेदवार विजयी भएका थिए ।
आठ स्थानीय तह भएको रामेछापमा सुनापति र खाँडादेवी गाउँपालिकाको परिणाम आउन बाँकी रहेको छ । सुनापतिको मतगणना अन्तिम चरणमा पुगेको छ ।
प्रकाशित : जेष्ठ ५, २०७४ ०६:१७