रामेछापको सुनापतीमा माओवादी केन्द्रको विजय
रामेछाप — रामेछापको सुनापती गाउँपालिकाको प्रमुख र उपप्रमुखमा माओवादी केन्द्रका उम्मेदवारले विजय प्राप्त गरेका छन् । निर्वाचन अधिकृत चन्द्रकला ओलीका अनुसार प्रमुख पदमा माओवादी केन्द्रका उम्मेदवार धावा लामाले ४ हजार ७ सय ३६ मत प्राप्त गरी विजय हासिल गरेका थिए । उनका प्रतिस्पर्धी नेपाली कांग्रेसका जितेन्द्र मोक्तानले ३ हजार २ सय ४४ मत प्राप्त गरेका थिए ।
यसैगरी, उपप्रमुखमा माओवादी केन्द्रकै उमेदवार गीता विष्टले ४ हजार ८ सय २२ मत पाएर विजयी भएकी थिइन् । उनका प्रतिस्पर्धी नेपाली कांग्रेसकी विनिता खड्काले ३ हजार ७ सय ३३ मत पाएकी थिइन् ।
गाउँपालिका प्रमुखमा निर्वाचित लामा माओवादी केन्द्रका जिल्ला इन्चार्ज हुन् । एकीकरण हुनुअघि उनी जनमोर्चाका नेता थिए । सरल स्वभावका लामा जिल्लाका सबैभन्दा पाका जनप्रतिनिधि भएका छन् ।
प्रकाशित : जेष्ठ ५, २०७४ १४:४०