चेपाङद्वारा स्थानीय तहबारे तालिम माग

उनले नगरपालिका र गाउँपालिकाको जनप्रतिनिधि भएकाले जग्गाको कारोबार बढी हुने र त्यस्तो कार्यमा प्रतिनिधिहरूलाई फसाउन सक्ने खतरा बढी हुने बताए । ‘स्थानीय संरचना र काम कारबाहीबारे प्रतिनिधि जानकार छैनन्,’ उनले भने, ‘हाम्रो जात सोझो हो, सोझोपनको फाइदा टाठाबाठाले उठाउन सक्छन् ।’

उनले प्रतिनिधिलाई कानुन व्यवसायी समेतको उपस्थितिमा तालिम अनिवार्य रहेको बताए । पुराना पाका प्रतिनिधिले भने स्थानीय तहबारे थोरबहुत थाहा पाएको बताए । अधिकांश जानकार छैनन् ।

‘पहिले जस्तो अहिलेको स्थानीय तह छैन,’ उनले भने, ‘सिंहदरबारको अधिकार जनताको घरदैलोमा पुर्‍याउने काम जनप्रतिनिधिले गर्ने हो, त्यही भएर आफ्नो अधिकार, आफूले गर्ने कामबारे उनीहरूलाई थाहा हुनुपर्छ, सहज रूपमा जनप्रतिधिको काम गर्न सक्ने बनाउनुपर्छ ।’ उनका अनुसार नेपाल चेपाङ संघ कार्यकारिणी समिति काठमाडौंले तालिम दिने तयारी गरिरहेको छ । स्थानीय तहबारे जानकार व्यक्तिको उपस्थितिमा निर्वाचित प्रतिनिधिलाई तालिम दिइनेछ । ४ जिल्लाका नगरपालिका र गाउँपालिकामा विभिन्न पार्टीबाट ११ चेपाङ वडा अध्यक्षमा निर्वाचित भएका छन् । ११ मध्ये ४ वडामा कांग्रेस, ५ मा एमाले र २ मा माओवादी केन्द्रका प्रतिनिधि विजयी भएका हुन् । जसमा चितवनको राप्तीमा २, इच्छाकामना गाउँपालिकामा २, कालिकामा १, गोरखाको लखन थापा गाउँपालिका र धादिङको गजुरी गाउँपालिकामा १/१ जना छन् ।