मायादेवी गाउँपालिकामा संघीय समाजवादी फोरम विजयी

मनोज पौडेल

कपिलवस्तु — कपिलवस्तुको मायादेवी गाउँपालिकामा संघीय समाजवादी फोरमले प्रमुख र उपप्रमुखमा विजय प्राप्त गरेको छ । प्रमुखमा बजरंगीप्रसाद कुर्मीले ४ हजार ७ सय ११ मत प्राप्त गरि विजयी भएकाछन् । उनका निकटतम प्रतिद्वन्द्वी काग्रेसका वलिउद्दीन मुसलमानले ३ हजार ३सय ५२ मत प्राप्त गरेका थिए ।

 

गाउँपालिका उपप्रमुखमा गीता तिवारीले ४ हजार १ सय ३३ मत प्राप्त गरि विजयी भएकी छिन् । उनको निकटतम प्रतिद्वन्द्वी कांग्रेसकी सावित्रीदेवी यादबले २ हजार ८ सय ४१ मत प्राप्त गरेकी थिईन् । यो जिल्लाको तेस्रो स्थानीय तहको नतिजा हो । यहाँ ६ नगरपालिका र १ गाउँपालिकाको नतिजा आउन बाँकी छ । जिल्लामा ६ नगरपालिका र ४ गाउँपालिका छन् । 

 

प्रकाशित : असार १८, २०७४ १७:४७
प्रतिक्रिया
पठाउनुहोस्

भूमिकास्थान नगरमा कांग्रेस–माओवादी गठबन्धन विजयी

वीरेन्द्र केसी

अर्घाखाँची — भूमिकास्थान नगरपालिकाको मेयर र उपमेयरमा कांग्रेस–माओवादी केन्द्र गठबन्धनका उम्मेदवार विजयी भएका छन् । माओवादीका उम्मेदवार रेशम थापाले निकटम प्रतिद्वन्द्वी राष्ट्रिय जनमोर्चाका कविराम खनाललाई ७ सय ३८ मतले हराए ।

थापाले ५ हजार ३ सय २० मत ल्याए भने खनालले ४ हजार ५ सय ८२ मत ल्याए ।

उपमेयरमा कांग्रेसका खडानन्द बेल्वासे विजयी भएका छन् । उनको निकटतम प्रतिद्वन्द्वी एमालेकी सुनिता बेल्वासेलाई ५ सय २९ मत अन्तरले हराए । खडानन्दले ५ हजार २ सय ३० मत ल्याए भने सुनिताले ४ हजार ७ सय १ मत ल्याइन् ।

एमालेबाट मेयरका उम्मेदवार पिताम्बर भुसाल तेस्रो भए । उनले ४ हजार २ सय ५० मत ल्याए । ०५४ मा उनी एमालेबाट अर्घाखाँची जिविस सभापतिमा निर्वाचित भएका थिए । दोस्रो संविधानसभा निर्वाचनमा भुसाल सांसदमा सिफारिसमा परेका थिए ।

नगरको १० वडा मध्ये ४ वडाध्यक्ष राष्ट्रिय जनमोर्चा, माओवादीले १ र कांग्रेसले १ वडाध्यक्ष जितेको छ ।

प्रकाशित : असार १८, २०७४ १७:४७
पूरा पढ्नुहोस्
प्रतिक्रिया
पठाउनुहोस्