जिल्ला समन्वय समिति काभ्रेमा एमालेको पुरै टिम

नगेन्द्र अधिकारी

काभ्रे — जिल्ला समन्वय समिति काभ्रेका सबै पदमा नेकपा एमालेका उम्मेदवार विजयी भएका छन् । संयोजकमा उद्धव केसी र उपसंयोजकमा मञ्जुु गौतम निर्वाचित भए । सदस्यमा एमालेकै कृष्णबहादुर तामाङ, प्रेम कुमार लामा दोङ र सन्तनु केसी, महिला सदस्यमा गिता सुनार, राजकुमारी श्रेष्ठ र सुभवती शिवभक्ति र दलित वा अल्पसंख्यकबाट विकास मंग्राती विजयी भए ।



नेपाली कांग्रेस र नेकपा (माओवादी केन्द्र)को गठबन्धनको तर्फबाट संयोजकमा नेपाली कांग्रेसका शंखबुद्ध लामा र उपप्रमुखमा नेकपा (माओवादी केन्द्र)का तेजमाया गौतम चौलागाईको उम्मेदवारी परेको थियो । गठबन्धनका सबै उम्मेदवारले १२ मत प्राप्त गरेका गरेका थिए ।

१३ स्थानीय तहका २६ प्रमुख, उपप्रमुख र अध्यक्ष, उपाध्यक्ष मतदाता रहेको निर्वाचनमा एमाले मात्रैको १४ भोट थियो । कांग्रेस र नेकपा (माओवादी केन्द्र) गठबन्धनको १२ भोट थियो । ९ सदस्यीय जिल्ला समन्वयन समिति एमालेको एकलौटी गठन भएको छ । प्रमुख निर्वाचन अधिकृत मेदिनीप्रसाद पौडेलले विजयी सबैलाई प्रमाणपत्र प्रदान गरे ।

प्रकाशित : श्रावण २५, २०७४ १६:४९
ADVERTISEMENT
प्रतिक्रिया
पठाउनुहोस्
ADVERTISEMENT

राष्ट्रिय आविष्कार केन्द्रका लागि अस्ट्रेलियाबाट १६ लाख सहयोग

नारायण खड्का

अस्ट्रेलिया — महावीर पुनको पहलमा स्थापना गरिन लागेको राष्ट्रिय आविष्कार केन्द्रका लागि अस्ट्रेलियाका नेपालीहरुबाट अहिलेसम्म करिब २० हजार डलर (१६ लाख रुपैयाँ) सहयोग संकलन गरिएको छ ।

महावीर पुन उक्त केन्द्रका बारेमा यहाँका नेपालीहरुलाई बुझाउन र सहयोग जुटाउनका लागि अस्ट्रेलियामा छन् । अहिलेसम्म पुनले सिड्नी, मेलबर्न, पर्थ, क्यानबेरा र एडिलेडमा रहेका नेपालीहरुसँग यही विषयमा अन्तर्क्रिया र छलफल कार्यक्रम गरिसकेका छन् । अन्तर्क्रिया कार्यक्रमअन्तर्गत नै उनको केन्द्रलाई सहयोग पुर्‍याउन रकम संकलन गरिएको हो । एनआरएन अस्ट्रेलियाका उपाध्यक्ष दीपक शर्माका अनुसार रकम संकलन कार्य जारी रहेकाले ब्रिसबनमा कार्यक्रम सम्पन्न भइसकेपछि संकलित सबै सहयोग रकम पुनलाई एकमुष्ट हस्तान्तरण गरिनेछ ।

पुनको आविष्कार केन्द्रका लागि सिड्नीमा आयोजित कार्यक्रममा सबैभन्दा धेरै करिब १५ हजार डलर (करिब ११ लाख रुपैयाँ) सहयोग गर्ने प्रतिबद्धता गरिएको छ । एनआरएन न्यु साउथ वेल्सका संयोजक तथा एनआरएन अस्ट्रेलियाका उपाध्यक्ष नन्द गुरुङले प्रतिबद्धता गरिएको रकम संकलन गरेर पुनलाई हस्तान्तरण गरिने जानकारी दिए । उनले देश विकासका लागि पुनले चालेको कदमलाई सहयोगका लागि एनआरएनले समन्वय गरेको जानकारी दिए ।

पुनलाई मेलबर्नमा आयोजना गरिएको कार्यक्रममा चितवन समाज भिक्टोरियाले १ लाख ५५ हजार सहयोग गरेको छ भने एनआरएन भिक्टोरियाले करिब १ हजार ६ सय डलर संकलन गरेको छ ।

यसै गरी पश्चिम अस्ट्रेलियामा आयोजना गरिएको कार्यक्रमबाट समेत करिब २ हजार डलर संकलन गरिएको छ । पुनले देश विकासका लागि आविष्कार केन्द्रजस्ता अन्वेषण र अनुसन्धान केन्द्रहरु अपरिहार्य भएको बताउँदै आएका छन् । उनले अस्ट्रेलियामा रहेका नेपालीहरुलाई धनका साथै समय र आफ्नो सीपको सहयोग गरिदिन आग्रह गर्दै आएका छन् ।

प्रकाशित : श्रावण २५, २०७४ १६:४९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT