मोरङमा एमालेको नेतृत्वमा जिल्ला समन्वय समिति बन्ने

उप–प्रमुख निर्विरोध
लीलावल्लभ घिमिरे

विराटनगर — मोरङ जिल्ला समन्य समितिको उप-प्रमुख पदमा माओवादी केन्द्रका प्रकाशकुमार साह निर्विरोध निर्वाचित भएका छन् । उनका प्रत्यासी कांग्रेसका सुनील कुमार दाहालको उम्मेदवारी खारेज भएपछि उनी निर्विरोध भएका हुन् । साह मोरङको रतुवामाई नगरपालिका वडा नम्बर ३ बाट सदस्य पदमा विजयी भएका हुन् ।

कांग्रेसले दाहाललाई खुल्ला सदस्य पदमा उम्मेदवारी दिन औपचारीक पत्र दिएको तर उनले उपप्रमुख पदका लागि नगद रसिद समेत काटी दर्ता गराएका कारण खारेजी भएको निर्वाचन अधिकृत विनोद कुमार पोखरेलले बताए । कांग्रेसले प्रमुख पदमा पनि पुरुषै उम्मेदवार उठाएको छ । प्रमुख र उपप्रमुख मध्ये एक पदमा महिला अनिर्वाय छ ।

‘प्रक्रिया सही भएको भए प्रमुख तथा उपप्रमुख पद दुवैमा पुरुष भएका कारण दुइमा एक पद रोज्न कांग्रेसलाई पत्राचार गर्न खोजेको थिएँ,’ अधिकृत पोखरेलले भने, ‘तर आवश्यक कागज नै पुगेन ।’

निर्वाचन आयोगले बिहीबार मनोनय पत्र दर्ता र शनिबार मतदान गर्ने कार्यक्रम सार्वजनिक गरेको छ । यसैगरी कांग्रेसको तर्फबाट सुनवर्षी नगरपालिकाका सत्यनारायण कुम्हारले प्रमुख पदमा मनोनयन दर्ता गराएका छन् ।

मोरङ जिल्ला समन्य समिति गठनका लागि कांग्रेस बाहेकका अन्य सबै दल मिलेका छन् । एमाले, माओवादी केन्द्र, लोकतान्त्रिक फोरम नेपाल र संघीय समाजवादी फोरमबीच तालमेल भएको हो । तालमेल अनुसार एमालेका नरेश पोखेरले प्रमुख पदमा मनोनयन दर्ता गराएका छन् ।

प्रमुख उपप्रमुख सहित ९ सदस्य रेहो समन्वय समितिमा एमालेको भागमा प्रमुख र एक सदस्य परेको छ भने माओवादी केन्द्रले उपप्रमुख पाएको छ । यसैगरी संघीय समाजवादी फोरम र लोकतान्त्रिक फोरमलाई ३/३ जना सदस्य भाग लगाइएको छ ।

मोरङ जिल्लामा १७ स्थानीय तह छन् । यहाँ जिल्ला समन्य समिति गठनका लागि ३४ जना मतदाता रहेका छन् । यो जिल्लामा एमालेले प्रमुख र उपप्रमुख गरी १४ स्थानमा जितेको छ भने कांग्रेसले १३ स्थानमा जितेको छ । लोकतान्त्रिक फोरम नेपालले ३ स्थान, माओवादी केन्द्र २ र संघीय समाजवादी फोरम नेपालले १ प्रमुख र १ उपप्रमुख जितेका छन् ।

प्रकाशित : श्रावण २६, २०७४ १८:०४
ADVERTISEMENT
प्रतिक्रिया
पठाउनुहोस्
ADVERTISEMENT

डा.केसीको समर्थनमा सुर्खेतका चिकित्सकहरु आन्दोलित

प्रकाश अधिकारी

सुर्खेत — त्रिवि शिक्षण अस्पताल अनशनरत प्रा. डा.गोविन्द केसीले उठाएका मागमा समर्थन जनाउँदै सुर्खेतका चिकित्सकहरु आन्दोलित भएका छन् ।

केसीका मागप्रति ऐक्यवद्धता जनाउँदै मध्यपश्चिम क्षेत्रीय अस्पतालमा कार्यरत चिकित्सकहरुले दुई दिनदेखि हातमा कालोपट्टी बाँधेर बिरामीको उपचार गरिरहेका छन् । 

मेडिकल शिक्षा र स्वास्थ्य सेवा सुधारको माग राखी केसी १८ दिनदेखि अनशनमा छन् । पटक–पटक गरिएका सम्झौता सरकारले पालना नगरेको भन्दै चिकित्सकहरुले आपत्ति जनाएका छन् ।
 
‘केसीले उठाएका जायज मागहरु पुरा गरी उहाँको जीवन रक्षा गर्न समेत माग गर्दछौं,’ चिकित्सक ड रबिन खड्काले भने, ‘११ पटक अनसन बस्दा पनि राज्य उदासिन हुनु दुखद कुरा हो ।’ 

नेपाल मेडिकल एशोसिएसनका सचिव डा. नवराज केसीले अनसनरत केसीको जीवन रक्षार्थ आवश्यक कदम नचालिए सिंगो स्वास्थ्य सेवा ठप्प पारिने चेतावनी दिए । 

प्रकाशित : श्रावण २६, २०७४ १८:०४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT