जिल्ला समन्वय समिति रसुवामा एमाले

बलराम घिमिरे

रसुवा — जिल्ला समन्वय समिति रसुवामा नेकपा एमालेको प्यानलै निर्विरोध निर्वाचित भएको छ । समन्वय समिति रसुवाको प्रमुख पदमा एमालेका उम्मेदवार कुलप्रसाद भट्ट र उपप्रमुखमा छोपेमा तामाङ निर्विरोध निर्वाचित भएका छन् ।

जिल्ला समन्वय समिति रसुवामा नेकपा एमालेको प्यानलै निर्विरोध निर्वाचित भएको छ ।
समन्वय समिति रसुवाको प्रमुख पदमा एमालेका उम्मेदवार कुलप्रसाद भट्ट र उपप्रमुखमा छोपेमा तामाङ निर्विरोध निर्वाचित भएका छन् । भट्ट नैकुण्ड गाउँपालिका ३ पारच्याङ र तामाङ गोसाइँकुण्ड गाउँपालिका ५ स्याफ्रुबाट स्थानीय तह निर्वाचनमा सदस्य पदमा निर्वाचित भएका थिए । समितिको सदस्यहरुमा चित्रकुमारी भट्ट कालिका गाउँपालिका २, शारदादेवी गुरुङ नैकुण्ड गाउँपालिका ५, सुशीला तामाङ पार्वतीकुण्ड गाउँपालिका ३, तेम्पा ग्याल्बो घले गोसाइँकुण्ड गाउँपालिका ६, अर्जुनप्रसाद पौडेल कालिका गाउँपालिका ५, कृष्णप्रसाद सुवेदी उत्तरगया गाउँपालिका २, नुर्पुछिरिङ तामाङ गोसाइँकुण्ड गाउँपालिका ५ निर्विरोध निर्वाचित भएका हुन् ।

५ वटा स्थानीय तह रहेको रसुवामा जिल्ला समन्वय समितिका लागि १० जना मतदाता थिए । १० जना मतदाता मध्य ७ जना एमालेका थिए । कांग्रेसको २ र नयाँ शक्तिको १ जना मतदाता रहेका थिए । एमालेको उम्मेदवार बाहेक अरू पार्टीले जिससमा मनोनयन दर्ता गरेका थिएनन् । अरूले मनोनयन दर्ता नगरेपछि समन्वय समितिमा नौ जना एमालेको मात्रै निर्विरोध निर्वाचित भएका हुन् । निर्वाचितहरुलाई शुक्रबार मुख्य निर्वाचन अधिकृत रामराजा उप्रेतीले शपथग्रहण गराएका छन् ।

प्रकाशित : श्रावण २७, २०७४ १६:०६
ADVERTISEMENT
प्रतिक्रिया
पठाउनुहोस्

गोर्खाल्याण्ड आन्दोलनको इलाममा असर

विप्लव भट्टराई

इलाम — गोर्खाल्याण्ड राज्यको माग गर्दै भारतको दार्जिलिङमा चलेको आन्दोलनको प्रत्यक्ष मार इलाममा परेको छ । आन्दोलनका कारण सीमावर्ती बजार ठप्प छन् । पशुपतिनगर, मानेभञ्ज्याङ, जौवारी, तुम्लिङ, कालपोखरीलगायतका बजारमा सीमापारीबाट कुनै सामाग्री आउन सकेको छैन ।

नेपालतर्फबाट सडकको सहज पहुँच नभएकाले स्थानीयले महँगो खर्च गरेर खाद्यान्न सामाग्री जोहो गरि निर्भाव चलाउँदै आएको जौवारीका पासाङ शेर्पाले बताए । सीमावर्ती क्षेत्रमा उत्पादित सागसब्जी, घीऊछुर्पीलगायतका सामाग्रीले वजार पाउन नसक्दा नश्ट हुन थालेका छन् ।

पशुपतिनगरलगायत चारवटा छोटी भन्सार कार्यालयको राजश्व संकलनमा प्रतिकुल असर पुगेको छ । त्यस्तै यस क्षेत्रवाट भारतीय विद्यालयमा पढन जाने विद्यार्थीको पठनपाठन पनि हुन सकेको छैन । ५६ दिन देखि गोर्खाल्याणको माग गर्दै दार्जिलिङमा आम हड्ताल जारी छ । आन्ददोलनले यहााको पर्यटन व्यवसायमा पनि नकारात्मक असर पुऱ्याएको छ ।

आमाको उपचारका लागि भारतको सिलगुडी पुगेका सुर्योदय नगरपालिका १० का उदयहाङ फागो अस्पताल परिसरबाटै पक्राउ परेपछि स्थानीयमा विशेष कामले पनि सीमापारी जान त्रास बढेको छ । जिल्लाका विभिन्न क्षेत्रबाट पारिवारिक, व्यपारलगायत विभिन्न कामका लागि आउजाउ गर्ने क्रम पुरानै हो ।

आन्दोलनमा सघाएको भन्दै उनलाई भारतीय प्रहरीले पक्राउ गरेको थियो । निर्दोष रहेको भन्दै परिवार, राजनीतिक दल, सामाजिक संघसंस्था लगायतले तत्काल रिहाइको पहल गर्न आग्रह गरेका छन् । आमाको उपचारको लागि सोमबार पश्चिम बंगालको सिलगुडी पुगेका फागो अस्पतालको परिसरबाटै पक्राउ परेका थिए ।

प्रकाशित : श्रावण २७, २०७४ १६:०६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT