जितपुर सिमरा उपमहानगरमा एमाले, महागढीमाईमा कांग्रेस विजयी

लक्ष्मी साह

बारा — जिल्लाको जितपुर सिमरा उपमहानगरमा एमालेले विजयी हासिल गरेको छ । अन्तिम मत परिणाम अनुसार मेयरमा कृष्ण पौडेल १४ हजार ८ सय ६८ मत र उपमेयरमा सरस्वती चौधरीले १४ हजार ४ सय ५९ मत ल्याएर विजयी भएका हुन् । निकटम प्रतिस्पर्धी कांग्रेसका कृष्णब्रत सिंह १२ हजार ४३ र नारायणी रायमाझीले १२ हजार ४ सय ६५ मत प्राप्त गरे ।

यसै गरी महागढीमाई नगरपालिकामा कांग्रेसका उपेन्द्र यादव मेयर र उपमेयरमा तारादेवी कानु विजयी भएका छन् । निर्वाचन अधिकृत खडानन्द गौतमका अनुसार यादवले ५ हजार ७ सय ६५ र कानुले ५ हजार ३ सय ७५ मत ल्याएर विजयी भएका हुन् । निकटम प्रतिस्पर्धी संघीय फोरम समाजवादी फोरमका मेयर उम्मेदवार शारदाशंकर जयसवाल ५ हजार २ सय १५ मत र उपमेयरमा माओवादी केन्द्रकी उपमेयर ममता साहले ४ हजार ७ सय ७५ मत प्राप्त गरे । 

Yamaha

प्रकाशित : आश्विन ८, २०७४ ११:१५
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

युभेन्ट्स र नेपोलीको अपराजित यात्रा कायमै

रोयटर्स

मिलान — इटालियन सिरी ए अन्तर्गत शत प्रतिशत जितको नतिजा लिएका युभेन्ट्स र नेपोलीले शनिबार पनि जित दर्ता गरेका छन् ।

पाउलो डिबालाले दुई गोल गरेपछि युभेन्ट्सले टोरीनोलाई ४-० ले हरायो । पहिलो हाफमै १० खेलाडीमा सिमित टोरीनोले त्यसअघि युभेन्ट्सलाई केहि असहज बनाएको थियो । तर खेलाडी कम भएपछि उसले धेरै समय रोक्न सकेन । डिबालाले सुरुआती अग्रता दिलाउँदा गल्ति गरेको टोरीनोका लागि महँगो सावित भयो । युभेन्ट्सको जितमा डिबालाको दुई गोलसँगै मिरालेम प्यानिच र एलेक्स स्यान्ड्रोले गोल गरे ।

नेपोलीले निकै प्रतिस्पर्धात्मक खेलमा एसपीएएललाई ३-२ ले पराजित गर्‍यो । गोल अन्तरका आधारमा शीर्षस्थानमा उक्लिएको नेपोलीका लागि लोरेन्जो इन्सिन्याले १४ औं मिनेटमा बराबरी गोल गरे । त्यसको १ मिनेट अगाडी पास्कल सित्तारेलाले एसपीएएललाई अग्रता दिलाएका थिए । जोसे क्यालेहनले ७१ औं मिनेटमा दिलाएको अग्रता सात मिनेटपछि फेडेरिको भिभिआनीले फ्रिकिकमार्फत बराबरी गरे । ८३ औं मिनेटमाफाओजी घुलामले गोल गर्दै नेपोलीको जित पक्का गरे । 

यसैगरी स्टेफेन एल सरावीले २ गोल गरेपछि एएस रोमाले उडीनेजेलाई ३-१ ले हरायो । एडों जेकोले एक गोल थपेका थिए बने जेन्स स्ट्राइगर लार्सनले उडीनेजेको लागि सान्त्वना गोल गरे ।

प्रकाशित : आश्विन ८, २०७४ ०९:५७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT