कटहरिया मेयरमा माओवादी केन्द्रका कुशवाहा विजयी

पवन यादव

रौतहट — रौतहटको कटहरिया नगरपालिकामा मेयर/उपमेयमा माओवादी केन्द्रका उम्मेदवार विजयी भएका छन । शहरी विकास मन्त्री प्रभु साहका पूर्व स्वकिय सचिव समेत रहेका सीयारामप्रसाद कुशवाहाले रौतहटका उद्योगपति नेपाली कांग्रेसका उम्मेदवार अजयप्रकास साहलाई ५ सय ५१ मतको अन्तरले पराजित गर्दै विजयी भएका हुन् ।

आईतवार सम्पन्न मतगणनाको अन्तिम परिणम अनुसार कुशवाहाले ४ हजार २ सय ३३ मत र साहले ३ हजार ६ सय ८२ मत हासिल गरेका थिए ।

Yamaha

त्यस्तै उपमेयरमा माओवादी केन्द्रकै नुरजाहा खातुनले ५ हजार १ सय १० मत प्राप्त गरी विजयी भएको दलका प्रतिनिधिले जनाएका छन् । उनले आफ्ना नेपाली कांग्रेसकी उम्मेदवार चुनुकुमारी यादवलाई पराजित गरेका हुन् ।

उक्त नगरपालिकाको वडा नं. १, २, ४, ७, ८ मा माओवादी केन्द्रका उम्मेदवार र ३, ५, ६ र ९ नम्बर वडामा नेपाली कांग्रेसका उम्मेदवारले जितेका छन् ।

अहिलेसम्म रौतहटमा मेयरमा नेपाली कांग्रसले ८, माआवादी केन्द्रले ३, संघीय समाजवादी फोरमले ३, राष्ट्रिय जनता पार्टीले २ र नेपाल लोकतान्त्रिक फोरमले १ तहमा जित हासिल गरेको छ ।

त्यस्तै उपमेयरमा कांग्रेसले ५, माओवादी केन्द्रले ६, संघीय समाजवादी फोरमले २, राष्ट्रिय जनता पार्टीले २, नेपाल लोकतान्त्रिक फोरमले १, नेकपा एमालेले १ तहमा जित हासिल गरेको छ ।

जिल्लाको कुल १८ तह मध्ये १७ स्थानीय तहको अन्तिम नतिजा आईसकेको छ । गरुडा नगरपालिकाको नतिजा आउन बाँकी छ ।

प्रकाशित : आश्विन ८, २०७४ १९:०६
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

शान्ति सेनाको माथिल्लो तहमा नेपालको कोटा बढाईदिन प्रधानमन्त्रीको आग्रह

प्रधानमन्त्री–राष्ट्रसंघीय महासचिव भेटवार्ता
चन्द्रशेखर अधिकारी/दिनेशजंग शाह

न्युयोर्क — प्रधानमन्त्री शेरबहादुर देउवाले राष्ट्रसंघसमक्ष शान्ति सेनामा खटिने नेपाली सेनालाई संख्याको आधारमा माथिल्लो तहको सहभागिता बढाउन औपचारिक प्रस्ताव राखेका छन् । उनले राष्ट्रसंघका महासचिव एन्टोनियो गुटेरससँगको भेटवार्तामा शान्ति सेनामा नेपालीको संख्या र माथिल्लो तहका अधिकारीहरुको सहभागितासमेत बढाइदिन आग्रह गरेका हुन् ।

प्रधानमन्त्रीले औपाचारिक भेटमा नै आग्रह गरेकाले सुनुवाई हुने सम्भावना बढेको नियोगका अधिकारीले जानकारी दिए । नेपालले विश्व शान्तिमा पुर्‍याएको योगदान स्वरुप नेपाली सेना, सशस्त्र प्रहरी र नेपाल प्रहरीबाट शान्ति मिसनमा माथिल्लो तह पाउनुपर्नेमा अरूको कमान्डमा नेपाली सुरक्षाकर्मी जानुपरिरहेको छ । यस विषयलाई नेपाली सेनाले आफ्नातर्फबाट राष्ट्रसंघीय शान्ति मिसनमा आवाज उठाउँदै आएको थियो । नेपाली सुरक्षाकर्मी विश्वका विभिन्न शान्ति मिसनमा ५ हजार भन्दा बढि कार्यरत छन् ।

नेपाली सेनाले त आफ्नो कुल संख्याको १० प्रतिशतसम्म पठाउने निधो गरेको छ । राष्ट्रसंघबाट त्यति संख्यामा माग भइरहेको छैन । अमेरिकाले केही बजेट कटौती गरेका कारणले शान्ति मिसनमा सेनाको संख्या घट्न सक्ने अधिकारीहरुको आंकलन छ । महासचिवले नेपालको आग्रहलाई आफुले ध्यान दिएर हेर्ने बताए । महासचिव गुटेरसले नेपालले विश्व शान्तिका लागि नेपाली सेना र अन्य सुरक्षा अधिकारी पठाएर गरेको योगदानको निकै प्रशंसा गरेको जानकारी प्रधानमन्त्रीका सल्लाहकार डा. दिनेश भट्टराईले बताए ।

प्रधानमन्त्री देउवाले काभ्रेको पाँचखालमा रहेको शान्ति सेनाको प्रशिक्षण केन्द्रको क्षमता अभिवृद्धि र क्षेत्रीयस्तरको बनाउनका लागि सहयोग गर्नसमेत महासचिवलाई आग्रह गरेका थिए । प्रत्युत्तरमा महासचिव गुटेरसले यसलाई सकारात्मक रूपमा आफूले छलफल अघि बढाउने आश्वासन दिएका थिए ।

राष्ट्रसंघको महासभामा भाग लिने क्रममा न्युयोर्क रहेका प्रधानमन्त्री देउवा र गुटेरसबीच आइतबार भएको भेटवार्तामा नेपालको पछिल्लो राजनीतिक घटनाक्रम तथा विकास प्रक्रियाको बारेमा छलफल भएको थियो । भुकम्प र बाढीको प्रकोपको पिडा र सहयोगबारे पनि छलफल भएको थियो । गुटेरसले नेपालको लोकतन्त्र संस्थागत हुने चरणमा प्रवेश भइसकेकामा खुशी व्यक्त गरेका थिए ।

स्थानीय तहको निर्वाचन सफलतापूर्वक सम्पन्न गरेकामा प्रधानमन्त्री र नेपाली जनतालाई बधाई दिंदै अन्य दुई चुनावको सफलताको शुभकामनासमेत व्यक्त गरेका छन् । गुटेरसले नेपालको लोकतन्त्रको संस्थागत विकास प्रक्रिया अनुकरणीय रहेको भन्दै खुशी व्यक्त गरेको जानकारी प्रधानमन्त्रीका सल्लाहकार डा भट्टराईले कान्तिपुरलाई दिए ।

प्रधानमन्त्री देउवाले दलहरूबीचको सहकार्यले स्थानीय तहको  चुनाव सम्पन्न भएको र त्यसमा नेपाली जनताको उत्साहपूर्वक सहभागिता रहेको उल्लेख गर्दै समयमै प्रदेश र संघको निर्वाचन हुने जानकारी दिए । नेपालमा समावेशी लोकतन्त्र अन्तर्गत महिला, आदिवासी, जनजाति, पिछडिएका वर्ग, अल्पसंख्यकलगायत सबैको सहभागिता सुनिश्चित भएको बताउँदै देउवाले नेपाल उदार लोकतन्त्रमा अग्रसर भइसकेको बताए । प्रधानमन्त्री देउवाले नेपालको शान्ति प्रक्रिया सफलतापूर्वक निष्कर्षमा पुगेकोबारेमा समेत महासचिवलाई जानकारी गराउँदै केही बाँक कामसमेत विस्तारै सपम्न्न हुने बताए ।

महासचिव गुटेरसले नेपालमा हालै गएको बाढी पहिरोबाट मृत्यु भएका व्यक्तिका परिवारप्रति समवेदना व्यक्त गर्दै सिंगो मुलुकप्रति सहानुभूति प्रकट गरे । महासभामा सम्वोधन गरेको बेलुका गुटेरसलाई भेटेका प्रधानमन्त्री देउवा यहाँबाट ओमानतर्फ लागेका छन । उनी ओमानमा  दुई दिन बसेर स्वदेश फर्कनेछन । त्यहाँ प्रधानमन्त्रीको खाडीमा रहेका राजदूतहरूलाई निर्देशन दिने र नेपाली कामदारको प्रत्यक्ष समस्या सुन्ने कार्यक्रम रहेको ओमानका लागि नेपाली राजदूत शर्मिला पराजुली ढकालले दिइन् । श्रमिक रहेका सबै पश्चिम एसियाली मुलुकमा खटिएका नेपालका राजदूत त्यहाँ आउनेछन । 

प्रकाशित : आश्विन ८, २०७४ १८:५०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT