बाराका सबै तहको अन्तिम नतिजा सार्वजनिक

कलैया उपमहानगरमा कांग्रेस उम्मेदवार निर्वाचित
कांग्रेस १ उपमहानगरसहित ६ मा, एमाले १ उपमहानगरसहित २ मा र संघीय फोरम ४, राजपा ३ र नेपाल लोकतान्त्रिक फोरम १ स्थानमा विजयी
लक्ष्मी साह

बारा — यही असोज २ गते भएको स्थानीय तहको निर्वाचनबाट कलैया उपमहानगरपालिका प्रमुखमा १८७ मत अन्तरले नेपाली कांग्रेसका उम्मेदवार राजेशप्रसाद यादव विजयी भएका छन् ।

जिल्लाको सबै स्थनीय तहको अन्तिम नतिजा टुंगो लागेको छ । १६ स्थानीय तहमध्ये कलैया उपमहानगरपालिकासहित कांग्रेसले ६, जितपुर सिमरा उपमहानगरसहित एमालेले २, संघीय फोरम ४, राजपा ३ र १ वटा तहमा नेपाल लोकतान्त्रिक फोरमले विजयी हात पारेको छ ।

बुधबारको अन्तिम मत नतिजाअनुसार कलैया उपमहानगरमा कांग्रेसले मेयर/उपमेयर हात पारेको छ । मेयरमा राजेश यादव र उपमेयरमा रहीमा खातुनले विजयी भएका हुन् । यादवले एमालेका विनोद साहलाई ३ सय ६५ मत अन्तरले पराजित गर्दै विजयी भएका हुन् । यादवले १० हजार ९ सय ३ मत ल्याए ।

Yamaha

यसै गरी खातुनले एमालेकी प्रतिस्पर्धी प्रतिमा यादवलाई ३ सय ४४ मतले पराजित गर्दै उपमेयरमा जितेकी हुन् । खातुनले १० हजार ७ सय १६ मत ल्याइन् । जितपुर सिमरा उपमहानगर र कोल्हवी नगरपालिकामा एमालेले विजयी हात पारेको छ । मेयर जितेको एमालेले जितपुर सिमरामा ७ वटा वडा मात्र जितेको छ । तेस्रो प्रतिस्पर्धी रहेको माओवादीले सबभन्दा बढी २७ वटा वडामध्ये १० वटा वडा जित्न सफल भएको छ ।

संघीय फोरमले ४ वटा र राजपा ३ वटा तह जितेर सिमित भएको छ । नेपाल लोकतान्त्रिक फोरमले १ वटामा जित हासिल गरेको छ । कांग्रेसले निजगढ र सिम्रौनगढ नगरमा मेयर मात्र जितेको छ, भने कलैया उपमहानगर कलैयासहित महागढीमाई नगर र करैयामाई गाउँपालिकामा मेयर/उपमेयर दुबैमा बाजी मारेको छ ।

कांग्रेस–माओवादी गठबन्धन रहेको निजगढमा कांग्रेसको मेयर जितेपनि एमाले उपमेयर जितेको छ । सिम्रौनगढमा कांग्रेसले मेयर जिते पनि राजपाले उपमेयर जितेको छ । मेयर जितेको सिम्रौनगढमा कांग्रेसले एउटै पनि वडा जितेको छैन् । यसैगरी गठबन्धन गरिएको निजगढमा माओवादीले उपमेयर पनि गुमाएर एउटै पनि वडा जित्न सकेन ।

संघीय फोरमले पचरौतामा मेयर मात्र जितेको छ, उपमेयरमा राजपाको हातमा पुगेको छ । यसबाहेक उसले फेटा, आदर्श कोतवाल र सुवर्णमा अध्यक्ष/उपाध्यक्ष दुबै ल्याउन सफल भएको छ । राजपाले प्रसौनी, परवानीपुर र देवताल गाउँपालिकामा अध्यक्ष/उपाध्यक्ष दुबैमा जित हासिल गरेको छ । नेपाल लोकतान्त्रिक फोरमले विश्रामपुर गाउँपालिकामा अध्यक्ष/उपाध्यक्ष दुबै जितेको छ ।

प्रकाशित : आश्विन ११, २०७४ ११:०७
प्रतिक्रिया
पठाउनुहोस्
ADVERTISEMENT
ADVERTISEMENT

जितपुर सिमरामा एमाले जित नजिक, महागढीमाईमा काँग्रेसको अग्रता कायमै

लक्ष्मी साह

बारा — जिल्लाको २ उपमहानगरपालिकामा एमालेले अग्रता लिइरहेको छ । पछिल्लो मत परिणाम अनुसार जितपुर सिमरामा एमालेका मेयर उम्मेदवार डा.कृष्ण पौडेल, उपमेयरमा सरस्वती चौधरीले क्रमश : १३ हजार ६ सय २२ र १३ हजार १ सय ६७ मत ल्याएर अग्रस्थामा छन् ।

यहाँको मतगणना अन्तिम चरणमा पुगिसेको छ । त्यसैले दुबै जित नजिक पुगेका हुन् । २४ वटा वडामध्ये २० वटा वडाको गणनाले उनीहरुले अग्रता लिएका हुन् । 

एमालेलाई काँग्रेसको मेयर उम्मेदवार कृष्णब्रत सिंह र उपमेयरको उम्मेदवार नारायणी रायमाझीले पछ्याएका हुन् । सिंहले ११ हजार ३४ र रायमाझीले ११ हजार ५ सय ५४ मतले पछ्याएका छन् । दोस्रो स्थानमा प्रतिस्पर्धा गर्दै आएका माओवादीका राजन पौडेल तेस्रो प्रतिस्पर्धी बन्न पुगेका छन् । २० वटा वडाको टुंगो लाग्दा एमाले ५, काँग्रेस ३, राजपा २ र माओवादीले सबभन्दा बढी १० वटा वडामा कब्जा जमाइसक्दा एमालेका डा. पौडेलको लोकप्रियताले मत बढी हासिल भइरहेको त्यस क्षेत्रका बुद्धिजिवीहरुको ठम्याइ छ । 

अग्रस्थानमा रहेका डा. एमाले उम्मेदवार यसैगरी कलैया उपमहानगरपालिकामा पनि एमालेले अग्रता लिएको छ । पछिल्लो मत परिणाम अनुसार एमालेको मेयर उम्मेदवार विनोद साहले ५ हजार ५ सय ५४, उपमेयर उम्मेदवार प्रतिमा यादवले ५ हजार २ सय ७५ मत लिएर अग्र स्थानमा छन् । उनीहरुको प्रतिस्पर्धामा काँग्रेसका मेयर उम्मेदवार राजेश यादव र उपमेयर उम्मेदवार रहिमा खातुन छन् । यादवले ५ हजार ३ सय ७३ र खातुनले ५ हजार ६५ मत प्राप्त गरी प्रतिस्पर्धा गरिरहेका छन् । 

सुरुमा अग्र स्थामा रहेका संघीय समाजवादी फोरमका प्रमोद गुप्ता तेस्रो स्थानमा प्रतिस्पर्धा गरिरहेका छन् । विनोद दोस्रो हुँदा प्रमोद पहिलो स्थानमा थिए । प्रमोद तेस्रो हुँदा राजेश दोस्रो प्रतिस्पर्धी बन्न पुगेका हुन् । कलैयाको १२ वटा वडाको अन्तिम नतिजा आइसकेको र १५ वटा अझै बाँकी रहेको छ । पाँच नगरपालिका मध्ये ३ वटाको अन्तिम नतिजा आइसकेको र बाँकी कोल्हवीमा एमाले र महागढीमाई नगरपालिकामा काँग्रेसले आ–आफ्नो अग्रता कायम राखेको छ । 

प्रकाशित : आश्विन ७, २०७४ १६:५६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT