भारतले अपराध गर्‍योः गजुरेल

ग्याास, ईन्धन र औषधि लगायतका दैनिक उपभोग्य बस्तुमा नाकाबन्दी लगाएर मान्छेको घाँटी थिचेर मार्नुजस्तै ठूलो अपराध गरेको उनले बताए । संगठन विभाग प्रमुख समेत रहेका नेता गजुरेलले बुधवार उदयपुर सदरमुकाम गाईघाटमा पत्रकार भेटघाटमा भारतीय नाकाबन्दीले मुलुक जटिल अवस्थामा पुगेको वताए ।
'मुलुक इतिहासकै सवैभन्दा जटिल अवस्थामा पुगेको छ', उनले भने, 'ठूला दल र तीन दलका नेताका केही तुच्छ स्वार्थका कारण मुलुकमा यो अवस्था आएको हो ।'
भूकम्पले ८ खर्वको क्षति गरेको तथ्याङ्क दिने सरकारले अहिलेको राजनैतिक भूकम्पले १३ खर्वभन्दा बढी क्षति गर्दापनि समस्या समाधान गर्न नचाहेकोले यो सरकारको औचित्य माथि नै प्रश्न उठेको उनले वताए ।