राँगोले हानेर मृत्यु

प्रत्यक्षदर्शीकाअनुसार सडकमा हिँडिरहेकी यादवलाई उत्तरतिरबाट मात्तिदै आएको राँगोले हानेर पछारेपछि उनी अचेत भएकी थिइन् । गहिरो चोट लागेको उनको स्थानीय मेडिकलमा भर्ना गरको केहीबेरमै मृत्यु भएको थियो ।
 
सडकमा भेटिने जोसुकैलाई हान्दै हिँडेको राँगोको आक्रमणबाट वडा नं ५ का १६ वर्षीय राजु यादव र वडा नं ९ का ५० वर्षीय महन्थराम यादव घाइते भएका छन् । उनीहरुलाई हात र ढाडमा चोट लागेको छ ।

गाउँलेकाअनुसार समसीको परम्पराअनुसार गएको दशैमा उक्त राँगोलाई पुजा गरि स्थानीय दुर्गा मन्दिरमा कान काटेर चढाई छाडिएको थियो । अकस्मात बेलकी साढे ६ बजेतिर जोसुकैलाई हान्दै हिँडेको स्थानीयले जनाए ।
 
थप आक्रमणको आशंकामा गाउँलेले राँगोलाई राति नै नियन्त्रणमा लिएका थिए । पछि पशु स्वास्थ्यकर्मीले लट्ठ्याउने सुई लगाएका थिए । तर नियन्त्रणमा लिएको केही समयमै राँगोको मृत्य भएको प्रहरीले जनाएको छ । स्थानीयकाअनुसार करिव डेढ महिनाअगि उक्त राँगोलाई बौलाहा कुकुरले टोकेको थियो । त्यसैको असरले राँगो बौलाएको उनीहरुको अनुमान छ ।