फरार अभियुक्त १३ वर्षपछि पक्राउ
संखुवासभा — जीउ मास्ने, बेच्ने मुद्दा लागेका संखुवासभा शीत्तलपाटीका मानबहादुर श्रेष्ठलाई प्रहरीले १३ वर्षपछि पक्राउ गरेको छ ।
विशेष सुराकीको आधारमा उनलाई गाउँमा लुकेर बसिरहेको अवस्थामा प्रहरीले शुक्रबार पक्राउ गरेको हो । उनलाई काठमाडौं जिल्ला अदालतले २०६१ जेठ ३२ मा ९ वर्ष १ महिना २२ दिन कैद र ४८ हजार जरिवाना तोकेको थियो । पक्राउपछि उनलाई जिल्ला अदालत चैनपुरमा बुझाईएको डीएसपी गौतमकुमार केसीले बताए । श्रेष्ठ मुद्दा लागेदेखि फरार थिए ।
प्रकाशित : फाल्गुन १४, २०७३ १६:०६प्रतिक्रिया