मोर्चाको व्यवहार हिंस्रक : ओली
नेपालगन्ज — एमाले अध्यक्ष केपी ओलीले आफ्नो पार्टीको मेची–महाकाली अभियानका क्रममा मधेसी मोर्चाले अराजनीतिक, अलोकतान्त्रिक र हिंस्रक व्यवहार देखाएको आरोप लगाएका छन् ।
अभियान सकेर राजधानी फर्किने क्रममा आइतबार नेपालगन्जमा पत्रकार सम्मेलन गर्दै उनले राजनीतिमा कतै स्वीकार्य नहुने काम छाडेर लोकतन्त्रमा विश्वास गर्न मोर्चालाई आग्रह गरे ।
‘निर्दोष जनतालाई भ्रममा पारेर उत्तेजनामा ल्याउने काम नगर्नुस्’, उनले भने, ‘पेट्रोल बम हानेर शान्तिपूर्ण आन्दोलन भन्न मिल्छ ? त्यो हिंसावादी व्यवहार हो । लोकतन्त्रमा हिंसाका लागि ठाउँ हुँदैन ।’
प्रकाशित : चैत्र ७, २०७३ ०८:५२