चुनावी अभियानमा प्रयोग भएको टाटा सुमोमा आगजनी

कावासोती-८ का शंकर ढकालको बा १३ च ७१५० नम्बरको टाटा सुमो गाडीमा बिहान ३ बजेको समयमा आगलनी भएको प्रहरीले जनाएको छ ।

अगाडिको टायरमा बोरामा मट्टीतेल खन्याएर लगाएको आगोले इन्जिन पूर्णरुपमा ध्वस्त भएको छ । स्थानीय निर्वाचनमा राप्रपा नेपालको चुनावी प्रचारप्रसारमा सो सवारी प्रयोग भएकाले चुनाव विरोधी तत्वले आगजनी गरेको हुन सक्ने प्रहरीले जनाएको छ ।

२ युवा आगो लगाएर भागेको सूचना आएको र उनीहरुको खोजीकार्य भइरहेको इलाका प्रहरी कार्यालय कावासोतीका डिएसपी राजेश थापाले बताए ।