नदीमा डुबेकी बालिकाको उद्धार
कास्की — म्याग्दी सदरमुकाम बेनीस्थित कालीगण्डकी नदीले बगाउँदै गरेकी एक बालिकाको सकुशल उद्धार गरिएको छ ।
म्याग्दीकै धौलागिरि गाउँपालिका घर भई बेनीबजार बस्दै आएकी १० वर्षीया ममिता रसाइलीलाई सोमबार बिहान ११ बजेतिर खुला मञ्चछेउ खेलिरहँदा नदीले बगाएको थियो । करिब ५ सय मिटर तल पुगेकी ममितालाई प्रहरीले सकुशल उद्धार गरेको हो । उनको जिल्ला अस्पताल म्याग्दीमा उपचार भइरहेको छ ।
प्रकाशित : असार ७, २०७४ ०८:१०
प्रतिक्रिया
