कान्तिपुर वेबसाईट
AdvertisementAdvertisement
१६.१२°C काठमाडौं
काठमाडौंमा वायुको गुणस्तर: १५८

डोलेश्वरमा श्रावणी मेला

भक्तपुर — केदारनाथको शिर डोलेश्वर महादेव मन्दिरमा साउन १ देखि भदौ ६ सम्म ३८ दिने श्रावणी मेला लाग्ने भएको छ । सूर्यविनायक ८, सिपाडोलमा रहेको धार्मिक एवं ऐतिहासिक मन्दिरमा आइतबारबाट सुरु हुने मेलाका लागि सबै तयारी पूरा भएको विकास समिति सचिव मोहन बल्लले बताए ।

मेलाका लागि समितिले सुरक्षा व्यवस्थाका साथै मन्दिर दर्शन गर्न आउने भक्तजनका लागि लाइन व्यवस्थापन गर्न कुपन प्रणालीको व्यवस्था गरेको छ । मेलामा करिब २० लाख भक्तजनको आगमन हुने समितिले अपेक्षा लिएको छ । भक्तजनको भेटी बापत २ करोडबराबर संकलन हुनसक्ने वरिष्ठ उपाध्यक्ष किरण थापा बताउँछन् । उनका अनुसार संकलित भेटी मन्दिर निर्माण तथा व्यवस्थापनमै खर्च गरिनेछ । आइतबार (आज) बिहान चन्द्रविनायक मन्दिरदेखि डोलेश्वर मन्दिर परिसरसम्म कलशयात्रा गरी मेलाको आरम्भ हुनेछ । मेलामा करिब २० लाख खर्च हुने समितिको भनाइ छ । गत वर्षको मेलाबाट संकलित १ करोड रुपैयाँ मन्दिर निर्माणमा खर्च गरेको थापाले बताए ।

प्रकाशित : श्रावण १, २०७४ ०८:३५
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?