सडक दुर्घटनामा साहित्यकार विकास केसीको मृत्यु
बुटवल — सडक दुर्घटनामा परी लेखक तथा साहित्यकार विकास केसीको ज्यान गएको छ ।
पूर्वपश्चिम राजमार्ग अन्तरगत बुटवलको धागो कारखाना अगाडि बसको ठक्करबाट घाइते केसीको उपचारका क्रममा आज बिहान भैरहवा मेडिकल कलेजमा मृत्यु भएको हो ।
आइतबार साँझ बुटवलबाट देवदहतर्फ जाँदै गर्दा केसी सवार लु १० प २३१९ नम्बरको मोटरसाइकललाई उही दिसाबाट गइरहेको लु १ ख ९४६२ नम्बरको बसले ठक्कर दिएको थियो ।
ठक्कर दिने बस र चालक नियन्त्रणमा रहेको पश्चिम क्षेत्रीय ट्राफिक प्रहरी कार्यालयले जनाएको छ । ५५ वर्षे केसी मालेमा अध्ययन केन्द्रका अध्यक्ष, प्रगतिशील लेखक संघ रुपन्देहीका उपाध्यक्ष ,नागरिक मञ्चका महासचिव ,बुटवल साहित्य कला संस्कृति प्रतिष्ठानका सदस्य थिए ।
प्रकाशित : श्रावण २, २०७४ १०:०५