गागन खोलामा बाढीमापन यन्त्र

भरत जर्घामगर

सिरहा — मनसुन सक्रिय हुँदै जाँदा आउने बाढीबाट जोगाउन सिरहाको गागन खोलामा शुक्रबारदेखि जल तथा मौसम विज्ञान विभागले खतराको संकेत जनाउने बाढी मापन यन्त्र जडान गरेको छ ।

इसिमोडको प्राविधिक सहयोगमा विभागले पुर्व पश्चिम राजमार्गस्थित सिरहाको गागन र महोत्तरीको रातु खोलामा बाढीमापन यन्त्र जडान गरेको हो । सिरहाको गागन खोलाले जिल्लाको दक्षिणवर्ती क्षेत्रमा वर्षेनी बढी दर्जनौं बस्तीमा क्षति पुर्‍याउँदै आएकाले सो खोलामा यन्त्र जडान गरिएको इसिमोडका जल अनुकुलन विज्ञ सुन्दर राईले जानकारी दिए ।

उनका अनुसार चुरेबाट बाढी आउने र त्यसको प्रभावबाट सिरहाका दक्षिणी क्षेत्र डुबान पर्ने जोखिमलाई न्युनिकरण गर्न यन्त्रले खतराको संकेत गर्दछ । ‘दुई मिटरभन्दा माथि बाढीको प्रवाह पुगे बाढीमापन यन्त्रसँगै जडान गरिएको यन्त्रले खोलाको पुलनजिकै रहेको घरमा राखिएको सूचना केन्द्रलाई खतराको संकेत दिन्छ’ जल अनुकुलन विज्ञ राईले भने ‘खतराको संकेत पाउने बित्तिकै सूचना केन्द्रले प्रभावित गाउँहरुमा खबर पुर्‍याउँछ ।’

जिल्ला दैवी प्रकोप उद्धार समिति सिरहाले जिल्लाको गागन, घुर्मी, कमला र बलानमा बाढीमापन यन्त्र जडान गर्न केन्द्रीय दैवी प्रकोप उद्धार समितिलाई आग्रह गर्ने निर्णय गरेको थियो । 

‘चुरेबाट निस्किएको खहरे खोलाले मनसुनको बेला विगतमा बढी मात्रामा वस्तीहरु डुबान गरेको देखिएको छ’ सिरहाका प्रमुख जिल्ला अधिकारी तथा जिल्ला दैवी प्रकोप उद्धार समितिका अध्यक्ष श्रीकृष्ण श्रेष्ठले भने ‘बाढीको जोखिम देखापर्ने बित्तिकै केन्द्रीय निकायलाई जानकारी गराउन जिल्ला प्रशासन कार्यालयमा राखिएको प्रकोप नियन्त्रण कक्षलाई पनि यसपटक क्रियाशील बनाइएको छ ।’

प्रकोप नियन्त्रण कक्षले गागनका अतिरिक्त जिल्लाभित्रका अन्य खोलानदीबाट सिर्जित जोखिमबारे शीघ्र सूचना लिने र सरोकारवाला निकायलाई खबर गरी प्रकोप व्यवस्थापन तथा जोखिम न्यूनिकरण गर्न समन्वयकारी भूमिका निर्वाह गर्ने उनले जानकारी दिए ।

प्रकाशित : श्रावण ६, २०७४ १३:५६
ADVERTISEMENT
प्रतिक्रिया
पठाउनुहोस्

ग्रीसमा शक्तिशाली भूकम्प, २ को मृत्यु

रासस/एएफपी

डओलोगोस् (ग्रीस) — ग्रीसको द्वीपीय क्षेत्र अर्थात ग्रीस र टर्कीको विदा मनाउने गन्तब्यको रुपमा रहेको स्थान कोस द्वीपमा शक्तिशाली भूकम्प गएको समाचार छ ।

शुक्रबार आएको ६.७ म्यानिच्युड मापन गरिएको यस भूकम्पमा परी कम्तीमा दुई व्यक्तिको मृत्यु हुनुको साथै अन्य एक सय भदा बढी घाइते भएका छन् ।

यसमा परी मृत्यु भएका दुवै नागरिक विदेशी भएको बताइएको छ । अरु कैयौँ घाइते नागरिकको उद्वार जारी छ ।

टर्कीको प्रमुख रिसोर्ट बोदरुमबाट १०.३ किलोमिटर दक्षिणमा पर्ने सो स्थानमा यस भूकम्पको केन्द्र विन्दु रहेको बताइएको छ ।

यस भूकम्पमा परी दुई व्यक्तिको मृत्यु हुनुको साथै अन्य एक सय भन्दा बढी घाइते भएका कोसस्थित अस्पतालका एक अधिकारीले एएफपी समाचार समितिलाई जानकारी दिएका छन् ।

गत जुन महिनामा पनि ग्रीसको सो द्वीपमा रहेको लेसबोसमा भूकम्प गएको थियो । ६.३ म्यानिच्युडको सो भूकम्पमा परी एक महिलाको मृत्यु हुनुको साथै अन्य १५ जना घाइते भएका थिए ।

प्रकाशित : श्रावण ६, २०७४ १३:३६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT