पहिरोले घर पुरेर एक महिलाको मृत्यु, एक घाइते

भीमफेदी गाउँपालिका- ८ इपापाखा टोलमा बिहान गएको पहिरोले घरसहित पुरेर ५० वर्षीय मिठु दानीको घटनास्थलमा नै मृत्यु भएको हो । विहान उठेर दानीको घर गएकी १८ वर्षीया सरु खडकालाई पहिरोले पुरेर घाइते भएकी छिन । पहिरोले घर पुर्ने वितिक्कै स्थानीयवासीहरु जम्मा भएर सरुलाई तत्कालै उद्धार गरेर स्थानीय स्वास्थ्य चौकीमा उपचार गर्न लगेका थिए । उनको अवस्था सामान्य छ ।

पहिरो पन्छाएर खोज्ने क्रममा दानी मृत अवस्थामा फेला परेको स्थानीयावसी विनोद अधिकारीले वताए । घरमा दानीमात्र एक्लै वस्थिन । सिस्नेरी खोला वढेकाले प्रहरीहरु घटनास्थलमा पुग्न सकेका छैनन्।