डेनमार्कवासी नेपालीद्वारा बाढीपीडितलाई राहत
विराटनगर — गैर आवासीय नेपाली संघ डेनमार्कले मोरङका बाढीपीडितलाई राहत वितरण गरेको छ । डेनमार्कवासी नेपालीहरुद्वारा रतुवामाई नगरपालिका ५ गोविन्दपुरका बाढीपीडितलाई राहत सामग्री वितरण गरेको हो ।
गैर आवासीय नेपाली संघ डेनमार्कले मोरङका बाढीपीडितलाई राहत वितरण गरेको छ ।
डेनमार्कवासी नेपालीहरुद्वारा रतुवामाई नगरपालिका ५ गोविन्दपुरका बाढीपीडितलाई राहत सामग्री वितरण गरेको हो । डेनमार्कमा रहेका नेपालीले संकलन गरेको डेढलाख मूल्यबराबरको राहत सामाग्री गोविन्दपुरको मुसरभिट्टाका १ सय ५० घरपरिवार बाढीपीडितहरुलाई वितरण गरिएको थियो । नेपाली जनसम्पर्क समिति डेनमार्कका निवर्तमान अध्यक्ष नवीन आचार्यमार्फत बाढीपीडितहरुलाई चामल, दाल, नुन, तेल र चिनीलगायत सामाग्री वितरण गरिएको हो ।
रतुवामाई नगरपालिकाका मेयर रवीन राई सर्वदलीय समितिका प्रतिनिधिका रुपमा नेपाली कांग्रेसका मोरङका सचिव नागेश कोइराला र गैरआवासीय नेपाली संघ डेनमार्कका सल्लाहकार नवीन आर्चायले बाढीपीडितहरुलाई संयुक्त रुपमा राहत सामग्री वितरण गरेका थिए ।
साउन अन्तिम साता वक्राहा खोलामा आएको बाढीले बाँध फुटाएर मानव बस्तीमा पस्दा उक्त क्षेत्रका ९ सय बढी घर परिवार विस्थापित बनेको नगर प्रमुख राईले बताए ।
प्रकाशित : भाद्र १८, २०७४ १३:४०