मोटरसाइकल दुर्घटनामा युवकको मृत्यु

कमल पन्थी

गुलरिया — कैलाली हुँदै कोहलपुरतर्फ आइरहेको मोटरसाइकल दुर्घटना हुँदा एक युवाको मृत्यु भएको छ । बर्दिया राष्ट्रिय निकुन्जस्थित पूर्व-पश्चिम राजमार्गको चिसापानी पुलदेखि करिब ५ सय मिटर पूर्व भे ३ प ६०६३ नम्बरको मोटरसाइकल अनियन्त्रित भई पल्टिएको थियो ।

कैलाली हुँदै कोहलपुरतर्फ आइरहेको मोटरसाइकल दुर्घटना हुँदा एक युवाको मृत्यु भएको छ ।

बर्दिया राष्ट्रिय निकुन्जस्थित पूर्व-पश्चिम राजमार्गको चिसापानी पुलदेखि करिब ५ सय मिटर पूर्व भे ३ प ६०६३ नम्बरको मोटरसाइकल अनियन्त्रित भई पल्टिएको थियो । प्रहरी निरीक्षक हेम शाहीका अनुसार मंगलबार राति साढे ११ बजे मोटरसाइकल अनियन्त्रित भई पल्टिँदा बारबर्दिया—१० का ३४ वर्षीय सन्देश ज्ञवालीको मृत्यु भएको हो ।

Yamaha

निकुन्जको घना जंगलस्थित राजमार्गमा भएको उक्त घटनाको अनुसन्धान भइरहेको प्रनि शाहीले बताए । घटनास्थल सदरमुकाम गुलरियादेखि करिब ५५ किमि पश्चिम उत्तरमा पर्दछ ।

Esewa Pasal

प्रकाशित : आश्विन ११, २०७४ ११:०१
प्रतिक्रिया
पठाउनुहोस्

केनको ह्याट्रिकमा टोटेनहमको जित, रियलले डर्टमुन्डलाई हरायो

रोयटर्स

निकोसिया — फरवार्ड ह्यारी केनको ह्याट्रिकसँगै टोटेनहम हट्स्परले युरोपेली च्याम्पियन्स लिगअन्तर्गत समूह 'एच'को खेलमा मंगलबार जित हात पारेको छ ।

घरेलु टोली एपोएल निकोसियालाई ३-० ले हराउँदै स्पर्सले लगातार दोस्रो जित हात पार्‍यो । समूहको अर्को खेलमा रियल म्याड्रिडले बोरुसिया डर्टमुण्डलाई ३-१ ले हरायो । ग्यारेथ बेलले सुरुआती अग्रता दिलाउँदा क्रिस्टियानो रोनाल्डोले दोस्रो हाफमा दुई गोल थपेका थिए । घरेलु टोली डर्टमुण्डका लागि पिएर एमेरिक औबामेयाङले गोल गरेका थिए ।

लिभरपुल समूह 'इ'को खेलमा स्पार्टाक मस्कोसँग १-१ को बराबरीमा रोकियो । २३ औं मिनेटमा फर्नान्डोले गोल गरेपछि पछाडी परेको लिभरपुल आठ मिनेटपछि फिलिपे कोउटिन्होले गोल गरेपछि बराबरीमा आएको थियो । त्यस समूहको अर्को खेलमा विसाम बेन येद्दरले ह्याट्रिक गरेपछि सेभियाले मारिबोरलाई ३-० ले हरायो ।
समूह 'एफ'मा म्यानचेस्टर सिटी र नेपोलीले जित दर्ता गरे । म्यानचेस्टर सिटीले शाख्तर डोनेस्कलाई २-० ले हाराउँदा नेपोलीले फेयेनुर्डलाई ३-१ ले पाखा लगायो ।

यसै गरी समूह 'जी'मा बेसिक्टासले आरबी लाइप्जिगलाई २-० र एफसी पोर्टोले मोनाकोलाई ३-० ले हराए ।

प्रकाशित : आश्विन ११, २०७४ १०:५३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT