जिप दुर्घटनामा आठ घाइते
इलाम — इलामको गजुरमुखीबाट मंगलबारे आउँदै गरेको जिप बिहीबार बिहान दुर्घटना हुँदा आठजना घाइते भएका छन् ।
को १ ज १४११ नम्बरको जिप देउमाई नगरपालिकाको आङदाङ भन्ने स्थानमा दुर्घटना भएको हो । गाडीको सापट भाँचिएर अनियन्त्रित भई सडकबाट ३० मिटर तल झरेको थियो । सबै घाइतेलाई उपचारका लागि झापाको विर्ता सिटी हस्पितलतर्फ लगिएको इलाका प्रहरी कार्यालय मंगलबारेले जनाएको छ ।
प्रकाशित : आश्विन १९, २०७४ १३:२७