वडाध्यक्षको मृत्यु

आश्विन २६, २०७४कान्तिपुर संवाददाता

बैतडी — दोगाडाकेदार गाउँपालिका–४ का वडाध्यक्ष मानबहादुर विष्टको मृत्यु भएको छ । ५२ वर्षीय विष्टको उपचारका क्रममा मंगलबार भारतको बरेलीमा मृत्यु भएको हो ।

शुक्रबार गाउँपालिकाको बैठकमै ज्वरो आएपछि उनलाई जिल्ला अस्पताल पुर्‍याइएको थियो । यहाँ उपचार हुन नसकेपछि भारतको बरेली लगिएको थियो । त्यहीं उनको मृत्यु भएको हो । एमालेबाट वडाध्यक्ष निर्वाचित विष्ट एमाले गाउँपालिकाका उपाध्यक्षसमेत हुन् ।