घाँटी रेटेर बालकको हत्या

देवनारायण साह

मोरङ — कर्जन्हा नगरपालिका-२ बन्दीपुरमा एक बालकको हत्या भएको छ । स्थानीय कुसुमलाल यादवका १३ वर्षीय छोरा भवेश यादवको हत्या भएको हो ।

बन्दीपुरस्थित कमला नदीमा घाँटी काटेर टाउँको फालिएको अवस्थामा टाउको सोमबार फेला परेको छ भने शरीर आइतबार नै फेला परेको इलाका प्रहरी कार्यालय गोलबजारका प्रमुख प्रहरी निरीक्षक राजेन्द्र उपाध्यायले बताए । 

प्रहरी निरीक्षक उपाध्यायका अनुसार शुक्रबारदेखि बेपत्ता भवेशको परिवारजनले दिनभरी खोजी गर्दा समेत कतै फेला नपरेपछि शनिबार इलाका प्रहरी बन्दीपुरमा उजुरी दिएका थिए । प्रहरीले खोज्दा खोज्दै आइतबार साँझ बन्दीपुरस्थित कला नदीको बाँधभन्दा पश्चिमको नर्सरीमा बेपत्ता बालक भवेशको शरीर फेला पारेको थियो भने टाउको सोमबार बिहान फेला परेको उनले सुनाए । 

कृषक कुसुमलालका छोरा भवेश बन्दीपुरस्थित अक्सफोर्ड स्कूलको कक्षा ४ मा अध्ययनरत थिए । भवेशको हत्या कसले र किन गरेको कारण खुल्न नसकेको तर अनुसन्धान भइरहेकोले आफूहरु चाँडै हत्यारालाई पक्राउ गर्ने प्रहरी निरीक्षक उपाध्यायले बताए ।

प्रकाशित : कार्तिक ६, २०७४ १२:३०
प्रतिक्रिया
पठाउनुहोस्
ADVERTISEMENT

कुन प्रदेशमा कुन दलको को उम्मेदवार ? सूची हेर्नुहोस्

पहिलो चरणमा मंसिर १० गते प्रदेश र प्रतिनिधिसभाको निर्वाचन
कान्तिपुर संवाददाता

काठमाडौं — पहिलो चरणमा मंसिर १० गते हुने प्रदेश र प्रतिनिधिसभा प्रत्यक्षतर्फको निर्वाचनका लागि आइतबार ३२ जिल्लामा उम्मेदवारी दर्ता भएको छ । बिहान १० देखि ५ बजेसम्म उम्मेदवारी मनोनयनको समय तोकिए पनि दर्ताका लागि पुगेकाहरूको प्रक्रिया रातिसम्म चलेको थियो ।

आयोगको केन्द्रीय कार्यालयमा रहेको संयुक्त निर्वाचन सञ्चालन केन्द्र (जेइओसी) बाट प्राप्त पछिल्लो विवरणअनुसार पहिलो चरणअन्तर्गत मंसिर १० गते ३२ जिल्लामा हुने प्रतिनिधि सभा तथा प्रदेश सभा सदस्य निर्वाचनका लागि ८०७ जनाको उम्मेदवारी दर्ता भएको हो । तीमध्ये प्रतिनिधि सभातर्फ ३२३ र प्रदेश सभातर्फ ४८४ जनाको उम्मेदवारी दर्ता भएको छ । 

उम्मेदवारको विरुद्ध उजुरी दिनका लागि आज बिहान १० बजेदेखि अपराह्न ५ बजेसम्मका लागि समय तोकिएको आयोगका सहसचिव एवं प्रवक्ता नवराज ढकालले जानकारी दिए । 

उजुरीउपर कात्तिक ७ गते छानबिन गरी उम्मेदवारको नामावली प्रकाशन गरिने छ र कात्तिक ८ गते उम्मेदवारी फिर्ता लिने कार्य सम्पन्न भएपछि उम्मेदवारलाई निर्वाचन चिह्न प्रदान गर्ने कार्यक्रम छ । 

प्रदेश १

 

प्रदेश ३

प्रदेश ४

प्रदेश ५

 

प्रदेश ६

प्रदेश ७

प्रकाशित : कार्तिक ६, २०७४ १२:३०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT