मतगणनास्थलमा फलामे बार

रसुवा संवाददाताका अनुसार मतगणनास्थलमा फलामे बार लगाइएको छ। गणनास्थलको एकातर्फ फलामे बार लगाइएको छ भने अर्कोतर्फ कार्यालयभित्र प्रवेश गर्ने च्यानलगेटलाई प्रयोग गरिएको छ। गणना साँझ ५ बजेबाटै सुरु गरिने मुख्य निर्वाचन अधिकृत पुनाराम खनालले जानकारी दिए।

रसुवा संवाददाताका अनुसार मतगणनास्थलमा फलामे बार लगाइएको छ। गणनास्थलको एकातर्फ फलामे बार लगाइएको छ भने अर्कोतर्फ कार्यालयभित्र प्रवेश गर्ने च्यानलगेटलाई प्रयोग गरिएको छ।

गणना साँझ ५ बजेबाटै सुरु गरिने मुख्य निर्वाचन अधिकृत पुनाराम खनालले जानकारी दिए। उनले भने, ‘मतगणना स्थललाई भरपुर सुरक्षा दिन फलामे बार लगाइएको हो।

प्रतिनिधिसभाको प्रत्यक्षतर्फको मतगणना र प्रदेशसभाको निर्वाचन क्षेत्र ‘क’ को प्रत्यक्षतर्फको मत एकै पटक गणना गर्ने तयारी गरिएको छ।’

एक सिफ्टमा ३ हजार मत गनिनेछ। ९ सिफ्टमा सबै मत गनि नतिजा प्रकाशित गर्ने गरि तयारी गरिएको छ। प्रत्यक्षको सकिएपछि समानुपातिकको गणना गरिनेछ। मतगणनाका लागि एक पटकमा १५/१५ जना गरी ३० कर्मचारी परिचालन गरिएको छ।

बिहीबार बिहान ११ बजे मतगणना तयारीका लागि सर्वदलीय बैठक बोलाइएको छ। ३२ हजार ३ सय २२ मतदाता रहेको जिल्लामा २६ हजार १ सय मत खसेको थियो।

प्रकाशित : मंसिर २१, २०७४ ०८:४८
ADVERTISEMENT
ADVERTISEMENT
प्रतिक्रिया
पठाउनुहोस्

ठेचोमा जात्रा

कान्तिपुर संवाददाता

ललितपुर — ठेचोमा नवदुर्गा भवानी देवी नाच, ब्रम्हायणी, बालकुमारी, भैरव र गणेशको खट जात्रा मनाइएको छ । जात्राको अन्तिम दिन बुधबार बिहान माथिल्लो लाछीस्थित बालकुमारी देवीलाई बाजागाजासहित मन्दिर नजिकैको सत्तलमा भित्र्याइएको थियो ।

गणेश देवतालाई पालो थाप्नेको घरमा र भैरवलाई धुमधामसँग सिन्दुर जात्रा गरी पुखुसी टोल पुर्‍याइयो । यसलाई नेपाल भाषामा सिन्ह: या: जात्रा भनिन्छ । 

तल्लो लाछीस्थित बालकुमारी देवीको खटको छाना भने मन्दिरको ढोकाबाट नभई मूल झ्यालबाट भित्र्याउने चलन छ । भूकम्पले ध्वस्त मन्दिर पुनर्निर्माण भइनसकेकाले बालकुमारी देवीको मूर्तिलाई मन्दिर नजिकैको सत्तलमा राखियो । जात्राका अवसरमा नवदुर्गा भवानी देवी नाच प्रदर्शन गर्ने चलन छ । 

प्रकाशित : मंसिर २१, २०७४ ०८:४८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT