पत्रिकालाई स्पष्टीकरण
नेपालगन्ज — मुख्य निर्वाचन अधिकृतको कार्यालयले मौन अवधिमा आचारसंहिताविपरीत समाचार प्रकाशित गरेको भन्दै स्पष्टीकरण सोधेको छ । नेपालगन्जबाट प्रकाशित हुने सदभाव दैनिकका ‘कभर स्टोरीका सामग्री’ आचारसंहितविपरीत भएको भन्दै मुख्य निर्वाचन अधिकृत विष्णु सुवेदीले स्पष्टीकरण सोधेका हुन् ।
मुख्य निर्वाचन अधिकृतको कार्यालयले मौन अवधिमा आचारसंहिताविपरीत समाचार प्रकाशित गरेको भन्दै स्पष्टीकरण सोधेको छ ।
नेपालगन्जबाट प्रकाशित हुने सदभाव दैनिकका ‘कभर स्टोरीका सामग्री’ आचारसंहितविपरीत भएको भन्दै मुख्य निर्वाचन अधिकृत विष्णु सुवेदीले स्पष्टीकरण सोधेका हुन् । ‘स्पष्टीकरणपत्रमा आचारसंहिता उल्लंघन गरेकामा किन कारबाही हुननपर्ने हो ? कारणसहित २४ घण्टाभित्र स्पष्टीकरण पेस गर्न आउनु,’ बुधबार लिखितपत्रमा छ । सञ्चारमाध्यमले आचारसंहिताविपरीत सामग्री प्रकाशित गरेको लिखित उजुरी परेपछि मुख्य निर्वाचन अधिकृत सुवेदीले कारबाही प्रक्रिया अघि बढाएको जनाए ।
प्रक्रिया अघि बढाइएको बारे जानकारी निर्वाचन आयोग, क्षेत्रीय निर्वाचन र जिल्ला प्रशासनलाई दिइएको छ । सदभाव दैनिकका प्रकाशक सम्पादक दामोदर भण्डारीले मौन अवधिमा भूलवस आचारसंहिताविपरीत समाचार छापिएपछि क्षमायाचना गरेको प्रतिक्रिया दिएका छन् ।
प्रकाशित : मंसिर २१, २०७४ १०:१९