ट्र्याक्टर दुर्घटनामा एकको मृत्यु, चार घाइते

लु १ त ८३७७ नम्बरको ट्र्याक्टर दुर्घटनामा परी पूर्वखोला-२ मैदानका मनबहादुर बारघरेको मृत्यु भएको हो । दुर्घटनामा जल्पा मैदानका कर्णबहादुर कँवर, रेवन्त हिस्की, तीलबहादुर गाहा, सुशान्त सारु रहेको वडाध्यक्ष निरबहादुर सारुले बताए ।
तारे गहिराबाट बालुवा लिएर मैदानतर्फ जाँदै गर्दा ट्र्याक्टर दुर्घटना भएको उनले बताए । घाइतेको तानसेनस्थित मिसन अस्पतालमा उपचार भइरहेको छ । दुर्घटनाग्रस्त ट्र्याक्टर सडकदेखि ५० मिटर तल खसेको छ । दुर्घटनाको कारण थाहा हुन सकेको छैन ।