महिलाको मृत्यु

इलाका प्रहरी कार्यालय बेलबारीका अनुसार मृत्यु हुने महिलाको सनाखत हुन सकेको छैन । शुक्रबार बिहान ५ बजे पूर्व-पश्चिम राजमार्गमा नम्बर नखुलेको गाडीले पैदलयात्री महिलालाई ठक्कर दिएको थियो । गम्भीर घाइते उनको उपचारको क्रममा धरानस्थित बीपी कोइराला स्वास्थ्य विज्ञान प्रतिष्ठानमा अपरान्ह १ बजे मृत्यु भएको थियो । ठक्कर दिने गाडीको खोजी भइरहेको बेलबारी प्रहरीले जनाएको छ ।