दमक — ट्याक्टरको ठक्करबाट शुक्रबार दिउँसो गौरादह नगरपालिका-१ का २४ वर्षीय भानु थापाको मृत्यु भएको छ ।भित्री सडक खण्डमा मे १ त ४५०१ नम्बरको ट्याक्टरले विपरीत दिशाको मे ८ प ४०७५ नम्बरको मोटरसाइकललाई ठक्कर दिएको थियो ।
दिउँसो २ : २५ बजे भएको दुर्घटनामा मोटरसाइकल चालक थापा गम्भीर घाइते भएका थिए । टाउको, अनुहार र छातीमा गहिरो चोट लागेका थापाको उपचारका लागि दमकतिर ल्याउनेक्रममा बाटोमै मृत्यु भएको इलाका प्रहरी कार्यालय दमकले जनाएको छ ।