जिप चलाउन सिक्ने क्रममा ठक्कर दिँदा १ बालकको मृत्यु, चार घाइते

लक्ष्मी साह

बारा — जिप चलाउन सिक्ने क्रममा ठक्कर दिएपछि एक बाललकको घटनास्थलमा मृत्यु भएको छ ।


अन्य चार जना बालबालिका घाइते भएका छन्। कलैया उपमहानगरपालिका-१० मटिअर्वास्थित नेपाल राष्ट्रिय उच्च माविको चौरमा भएको घटनामा सोही ठाउँका सुनिल साह कानुको १० वर्षीय छोरा सुरज साहको टाउकोमा गम्भीर चोट लागेपछि मृत्यु भएको हो। अन्य घाइतेहरुको नारायणी उपक्षेत्रीय अस्पताल वीरगन्जमा उपचार भइरहेको प्रहरीले जनायो।

क्रिकेट खेल हेर्ने बालबालिकाको समुहमध्ये सुरजको मृत्यु भएको हो। कैलाश साह तुराहाको १२ वर्षीय छोरा अजुर्ण तुराहा र सुरेन्द्र साहको १२ वर्षीय छोरा प्रदीप गुप्ता गम्भीर घाइते छन्। अन्य घाइतेहरुमा हीरालाल साहको ६ वर्षीया एक नातिनी र ५ वर्षीय एक नाति छन्।

सोही ठाउँका सिकारु चालक ३० वर्षीय मोहन साह कानु र गाडीमा बसेका दीपेन्द्र साहसहित जी एच ०९ डी ३७०८ नम्बरको भारतीय बोलेरो जिप प्रहरीले अनुसन्धानको लागि हिरासतमा लिएको छ। चालक रुस्तम भन्ने जाकिर हुसेन फरार छन्।

प्रकाशित : पुस १४, २०७४ १९:०७
ADVERTISEMENT
प्रतिक्रिया
पठाउनुहोस्
ADVERTISEMENT

घूस मागेको अभियोगमा प्राधिकरणका कर्मचारीविरुद्ध मुद्दा

कान्तिपुर संवाददाता

काठमाडौँ — अख्तियार दुरुपयोग अनुसन्धान आयोगले नेपाल विद्युत् प्राधिकरण पोखरा वितरण केन्द्रका इलेक्ट्रिकल फोरमेन ईश्वरप्रसाद सुवेदीविरुद्ध विशेष अदालतमा शुक्रबार मुद्दा दायर गरिएको छ । आयोगले केही दिन पहिले उनलाई रु २५ हजार घुससहित कार्यालय परिसरबाटै पक्राउ गरेको छ ।

आयोगका प्रवक्ता पद्यप्रसाद पाण्डेयका अनुसार सुवेदीलाई मिटर जडान गर्ने कामका लागि विभिन्न बहानामा सेवाग्राहीसँग घूस माग गरिरहेको भन्ने सूचनाका आधारमा प्राधिकरणको वितरण केन्द्र मालेपाटनबाट नियन्त्रणमा लिइएको थियो । अभियुक्त सुवेदीमाथि बिगो असुल गरी कैद सजायको माग गरिएको आयोगले जनाएको छ ।

प्रकाशित : पुस १४, २०७४ १८:२३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT