२४.१२°C काठमाडौं
ट्याक्टर दुर्घटनामा २ को मृत्यु, एक घाइते
धादिङ — बूढीगण्डकी किनारबाट वालुवा लिएर धादिङको बूढाथुम बजार जाँदै गरेको नम्बर प्लेटमा ‘अनटेस्ट’ लेखिएको ट्याक्टर पल्टिदाँ दुई जनाको मृत्यु भएको छ । गंगाजमुना गाउँपालिका–७, बूढाथुम बजार नजिकै भएको दुर्घटनामा एकजना घाइते भएका छन् । ट्याक्टर सोमबार राति सडकबाट २५ मिटर तल पल्टिएको थियो ।
मृत्यु हुनेमा ट्याक्टरका चालक गंगाजमुना–६, बसेरीका २५ वर्षिय विकास अधिकारी र वडा–७ का ५५ वर्षिय होमबहादुर श्रेष्ठ रहेको जिल्ला प्रहरी कार्यालयका प्रहरी नायव उपरिक्षक रामबहादुर केसीले बताए ।
दुर्घटनामा घाइते भएका बसेरीकै सरोज परियारको आरुघाट अस्पालमा उपचार भइरहेको प्रहरीले जानकारी दिएको छ ।
प्रतिक्रिया
