व्यवसायीबाटै ट्याक्सी तोडफोड

प्रहरीका अनुसार पुतलीबजार ३ बस्ने दीपक कुमाललगायतका व्यक्तिले स्याङ्जाबाट नागडाँडातर्फ जाँदै गरेको ग १ ज ५३२ र रोकी राखेको ग १ ज ४३५६ नम्बरको टयाक्सी तोडफोड गरेका हुन् ।

ट्याक्सी फुटाउनेमध्येका कुमाललाई भने प्रहरीले नियन्त्रणमा लिएको छ । अन्य फरार व्यक्तिको खोजी जारी रहेको प्रहरीले बतायो ।

मिटरमा चल्न नमानेपछि पोखराका ट्याक्सी व्यवसायी समिति तीन दिनदेखि विवादमा उत्रिएसँगै स्याङ्जामा पनि बिहीबार र शुक्रबार चलाउन दिइएन ।