शीतलहर प्रभावितलाई सेनाको राहत

परासीमा रहेको कालीध्वज गणले बुधबार सरावल गाउँपालिका–९ मोजरहिया गाउँका अति विपन्न समुदायलाई कपडा र पोषिलो खाना वितरण गरेको हो । शीतलहरबाट प्रभावित जेष्ठ नागरिक र बालबालिकाहरुलाई लत्ताकपडा र पोषिलो खानेकुरा वितरण गरेको प्रमुख सेनानी सुजनबहादुर मल्लले बताए ।

बढ्दै गएको शीतलहरबाट प्रभावित समुदायमध्ये त्यस गाउँका ५६ जना जेष्ठ नागरिक र ५० जना बालबालिकाहरुलाई राहत वितरण गरिएको हो । गणको आन्तरिक स्रोतबाट वितरण गरिएको लत्ता कपडासँगै नाबालकहरुलाई पोषिलो दूध र विस्कुट वितरण गरिएको हो ।