सहयोगको अपिल

कान्तिपुर संवाददाता

काठमाडौँ — दोलखा जिल्ला भीमेश्वर नगरपालिका–७ निवासी म टीकानारायण सुवेदीको १७ वर्षीया छोरी सुशीला सुवेदी बोन क्यान्सरका कारण दस महिनादेखि उपचाररत छिन् ।

गत वर्षको एसईई परीक्षामा सीजीपीए ३.७५ ल्याएकी उनी रोगको कारण प्लस टु पढ्न सकिनन् । हाल राष्ट्रिय ट्रमा सेन्टरमा उपचार गराइरहेको छु । डाक्टरको सल्लाहअनुसार उनको घुँडाको शल्यक्रिया गर्नुपर्छ । आफूसँग भएको र आफन्तहरूसँगको सरसापटबाट अहिलेसम्मको उपचार गरेको थिएँ ।

अब कसैको सहयोगविना थप उपचार गर्न असमर्थ छु । तसर्थ देश–विदेशमा रहनुभएका सहयोगीव्यक्ति तथा संघ–संस्थासँग सहयोगको अपेक्षा गरेको छु । मेरो छोरीलाई सहयोग गर्न चाहनुहुने व्यक्ति तथा संघ–संस्थालेराष्ट्रिय वाणिज्य बैंकमा रहेको खाता नं. १११००१३११८१० मा आफूले सकेको रकम जम्मा गरी सहयोग गरिदिनुहुन अनुरोध गर्छु साथै ९८४९२८९२६५ मा सम्पर्क गरी थप जानकारीलिन सकिनेछ ।

प्रकाशित : माघ २६, २०७४ ०७:३२
ADVERTISEMENT
प्रतिक्रिया
पठाउनुहोस्
ADVERTISEMENT

थ्रीस्टार फाइनलमा

प्रदीप मेन्याङ्बो

धरान — इन्ज्युरी टाइममा विष्णु गुरुङले गरेको गोल रुस्लान थ्रीस्टार क्लबका लागि बुढासुब्बा रेडबुल गोल्डकप फुटबलको फाइनल पुग्न निर्णायक बनेको छ । 

दुर्गापुर स्टीलविरुद्ध जुध्दै थ्रीस्टारका विश्वास श्रेष्ठ (नीलो) ।तस्बिर: प्रदीप/कान्तिपुर

धरान रंगशालामा बिहीबार कोलकातास्थित दुर्गापुर स्टील फुटबल क्लबलाई १–० ले हराउँदै थ्रीस्टार उपाधि दाबेदार भएको हो । विष्णु ८१ औं मिनेटमा अनन्त तामाङको ठाउँमा मैदानमा छिरेका थिए ।

विजेता थ्रीस्टारले उपाधिका लागि विभागीय टोली नेपाल पुलिस क्लबसँग माघ २७ मा प्रतिस्पर्धा गर्नेछ । निर्धारित ९० मिनेटसम्म दुर्गापुरले रोकेको थ्रीस्टारलाई चार मिनेट इन्ज्युरी टाइमको फाइनल यात्रा तय गर्ने अवसर भयो । तीव्र दबाबमा खेलेको थ्रीस्टारका लागि विष्णुले रिबाउन्डमा गोल गरेका हुन् । उनले बुद्ध चेम्जोङको पासमा पहिलो प्रहार गर्दा गोलरक्षक विशाल खोइतको हातबाट फुत्कियो । त्यही रिबाउन्ड बल प्रहार गर्दा विष्णु गोल गर्न सफल भए ।

चारपल्टको पूर्व विजेता थ्रीस्टारले दुर्गापुरविरुद्ध केही गोलअवसर गुमायो । खेलको १६ औं मिनेटमा बुद्ध चेम्जोङको पासमा अनन्तको हेड प्रहार बाहिरियो । खेलको ३५ औं मिनेटमा दुर्गापुर स्टीलका इमानुयलले थ्रीस्टारका अजायी मार्टिनलाई पेनाल्टी बक्सनजिकै लडाएपछि प्राप्त फ्रि–किक रजिन धिमालले प्रहार गरे । तर त्यसले गोलपोस्टको दिशा लिन सकेन ।

स्कोरर गर्न तडपिरहेको अवस्थामा ३९ औं मिनेटमा विश्वास श्रेष्ठको पासमा नीराजन खड्काको प्रहार फितलो बनेको थियो । तत्कालै विक्रम लामाको फ्रि–किक प्रहारलाई विश्वासले हेड गरे पनि गोलमा परिणत गर्न सकेनन् ।
सुदूरपश्चिमलाई ४–० ले हराउँदै सेमिफाइनल यात्रा तय गरेको थ्रीस्टारबाट ७२ औं मिनेटमा नीराजनको प्रहार पोलमा ठोक्किएर फर्केको थियो । ७८ औं मिनेटमा सुनील बलको पासमा मार्टिनको हेड बाहिरिएलगत्तै बुद्ध लामाको प्रहार विपक्षी गोलरक्षकले बचाएका थिए ।

आयोजक धरान फुटबल क्लबमाथि विजय पाएको दुर्गापुर स्टीलले भने थ्रीस्टारसँग खासै प्रदर्शन गर्न सकेन । म्यान अफ द म्याच बनेका गोलरक्षक एलेन न्यौपाने भए।

प्रकाशित : माघ २६, २०७४ ०७:२८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT