धादिङ बिचबजारमा युवक माथी खुकुरी प्रहार

पुल हाउसमा सोमबार बिहान रुबी भ्याली–४, तिप्लिङ्ग निवासी मार्कोस घलेसहित ६ जनाको समूहले तामाङलाई खुकुरी प्रहार गरेका थिए । खुकुरी प्रहारबाट तामाङको गर्धन, टाउको तथा हातमा गम्भिर चोट लागेको जिल्ला अस्पतालले जनाएको छ । गम्भिर घाइते तामाङलाई जिल्ला अस्पतालमा प्राथमिक उपचार गरी थप उपचारका लागी काठमाण्डौं पठाइएको छ ।

खकुरी प्रहार गर्ने मार्कोस लगायत ओम तामाङ, सन्तोष लामा तामाङ, प्रनिष घलेलाई प्रहरीले मोटरसाइकलमा भाग्दै गरेको अवस्थामा दामगाडेबाट नियन्त्रणमा लिएको प्रहरी नायव उपरिक्षक रामकुमार केसीले बताए । खुकुरी प्रहार गर्ने समुह गत आइतबार जिल्ला प्रहरी कार्यालयमा गएर आफूलाई राजु तामाङले आक्रमण गरेको उजुरी दिएका थिए । आइतबार परेको उजुरी छानबिनमै रहेको क्रममा सोमबार आक्रमण गरिएको हो ।