प्रशासन आफ्नै भवन

ऐतिहासिक पाल्पा दरबारमा रहेको प्रशासन कार्यालय ध्वस्त भएपछि बालमन्दिरको स्वामित्वमा रहेको विद्यालय टहराबाट सेवा प्रवाह गर्दै आएको थियो । चार वर्षअघि ठेक्का सम्झौता भई फागुनको दोस्रो साता निर्माण कार्य पूरा भएपछि आफ्नै भवनबाट सेवा प्रवाह सुरु भएको छ ।

‘बालमन्दिरको कक्षाकोठाबाट कार्यालय सञ्चालन गर्दा कर्मचारी र सेवाग्राहीलाई अप्ठ्यारो भएको थियो,’ प्रमुख जिल्ला अधिकारी विष्णुप्रसाद ढकालले भने, ‘अहिले सेवाग्राहीको सुविधाका लागि प्रतीक्षालयसहितको भवनले सहज भएको छ ।’ पाल्पा दरबारलाई संग्रहालय बनाउने निर्णय भएपछि २०७१ मा टेन्डर गरेर प्रशासन भवन निर्माणको काम सुरु भएको थियो ।