युवा संघसँग एकता प्रक्रिया थाल्ने वाइसीएलको निर्णय

कान्तिपुर संवाददाता

काठमाडौँ — माओवादी केन्द्रको सहायक संगठन योङ कम्युनिस्ट लिग (वाइसीएल)ले एकताबारे आवश्यक निर्णय गर्ने अधिकार संगठनको केन्द्रीय कार्यालयलाई जिम्मा दिएको छ ।

पेरिसडाँडामा बुधबार बसेको वाइसिएल केन्द्रीय समिति बैठकले एमाले निकट युवा संघसँगको एकताबारे निर्णय गर्ने जिम्माकेन्द्रीय कार्यालयलाई दिने निर्णय गरेको अध्यक्ष रामप्रसाद सापकोटाले जानकारी दिए । उनका अनुसार आन्तरिक धारणानिर्माण गरेपछि युवा संघसँग एकताबारे छलफल थालिनेछ । एमाले र माओवादी केन्द्रबीच पार्टी एकता हुने भएपछि युवासंगठनहरुले पनि एकता प्रक्रिया सुरु गर्न लागिएको हो ।

वाइसीएल बैठकले केन्द्रीय समितिको आगामी कार्ययोजना तयार पार्दै कार्यविभाजन तथा पदपूर्ति समेत गर्ने निर्णय गरेको छ ।बैठकमा प्रदेश, जिल्ला र तल्ला तहसम्मको संगठनको अवस्था, समस्या, सम्भावना र चुनौतीका विषयमा प्रत्येक प्रदेशबाटप्रदेश प्रमुखहरुले आ-आफ्नो प्रदेशको रिपोटिङ गरेका थिए ।

वाइसीएल बैठकमा माओवादी केन्द्रका अध्यक्ष पुष्पकमल दाहाल, नेता नारायणकाजी श्रेष्ठ, मणि थापालगायतको पनिउपस्थिति थियो ।

प्रकाशित : फाल्गुन ३०, २०७४ १८:३५
प्रतिक्रिया
पठाउनुहोस्

ट्रयाक्टर दुर्घटनामा २ बालकको मृत्यु, ३ घाइते

काशीराम डाँगी

रोल्पा — यहाँ बुधबार ट्रयाक्टर दुर्घटना हुँदा २ जनाको ज्यान गएको छ । रोल्पा नगरपालिका–१० धबाङको साउनेपानीमा भएको ट्रयाक्टर दुर्घटनामा हुँदा तीनजना घाइते भएका छन् ।

धवाङ गाउँबाट ढुंगा बोकेर बुधबार अपराह्न करिब ४:३० बजे साउनेपानी गाउँ नजिकैको सडकबाट रा १ च ३३६६ नम्बरको ट्रयाक्टर पल्टिएको हो । मृत्यु हुनेमा दुई बालक छन् । प्रहरीले दुर्घटनामा रोल्पा नगरपालिका–१० साउनेपानीका १४ वर्षका दिलबहादु विष्ट र १५ वर्षका बालाराम विष्ट छन् । दुवैको घटनास्थमै मृत्यु भएको हो ।

घाइते हुनेमा साउनेपानीकै कुशल विष्ट, विकास विष्ट छन् । ट्रयाक्टर चालक सुनील स्मृति गाउँपालिका–६ पातीहाल्नाका नमराज महरा घाइते छन् । उनीहरूको अवस्था चिन्ताजनक रहेको प्रहरी निरीक्षक नरबहादुर खड्काले बताए । भर्खरै खनेको सडकबाट ट्रयाक्टर एक सय मिटर तल खसेको हो ।

दुर्घटनाको खबर सुनेपछि उद्धार गर्न जिल्ला प्रहरी कार्यालयले सई हेमन्त केसीको नेतृत्वमा प्रहरी टोली खटाएको थियो । घटनास्थलमा उद्धार गर्न गाउँले समेत पुगेका थिए । प्रहरीले घटनाको थप अनुसन्धान सुरु गरेको छ । दुर्घटनाको कारण भने खुल्न नसकेको प्रहरीले बताएको छ ।

घाइते तीनैजनालाई एम्बुलेन्सबाट उपचार गर्न जिल्ला अस्पताल रेउघामा लगिएको छ ।

प्रकाशित : फाल्गुन ३०, २०७४ १८:३२
पूरा पढ्नुहोस्
प्रतिक्रिया
पठाउनुहोस्