मृगौलापीडितलाई आर्थिक सहयोग

काठमाडौंमा आइतबार आयोजित एक कार्यक्रमबीच मृगौलापीडित सेनीहाङ लिम्बूको उपचारका लागि नगद २ लाख ६२ हजार ९ सय २३ रुपैयाँ हस्तान्तरण गरिएको हो । मोरङ क्षेत्र नम्बर १ ‘क’ प्रदेश सांसद कुलप्रसाद साम्बाले सहयोग रकम पीडितका बुवा अमर लिम्बूलाई हस्तान्तरण गरे । सेनीहाङ परिवारको आर्थिक अवस्था कमजोर रहेको छ । दुवै मृगौला फेल भएका सेनिहाङ मानव अंग प्रत्यारोपण केन्द्र भक्तपुरमा उपचाररत छन् ।

वैदेशिक रोजगारीको सिलसिलामा दुबईमा कार्यरत पवन साम्बा, सूर्य साम्बा, अम्बिका माखिम, उपेन्द्र लिम्बू, रस्मिता लिम्बू, दिलु लिम्बू, कविता तामाङ, मिरा सम्बा र कुलप्रसाद अधिकारी लिम्बूले सेनिहाङको उपचारका लागि रकम संकलन गरेका थिए ।