टिफरको ठक्करबाट बालकको मृत्यु
उदयपुर — उदयपुरको रौतामाई गाउँपालिका–५ कालिमाटीमा बिहीबार दिउँसो टिफरको ठक्करबाट एक जना स्कुले बालकको घटनास्थलमै मृत्यु भएको छ ।
सगरमाथा लोकमार्ग अन्तर्गतको गाईघाट–दित्तेल सडकखण्डको कालिमाटीमा ना ३ ख ८५७४ नम्बरको टिफरको ठक्करबाट स्थानीय तिलक राईका ११ वर्षीय छोरा निगम राईको मृत्यु भएको जिल्ला प्रहरी कार्यालय उदयपुरले जनाएको छ ।
बाल कालिका माध्यमिक विद्यालयमा कक्षा ४ अध्ययनरत थिए । टिफिनको समयमा खेल्दै गरेका निगमलाई टिप्परले ठक्कर दिएको थियो ।
उदयपुर र खोटाङको सिमास्थल फोक्सिनाटरबाट डाडाँगाउँतर्फ गिटी लिएर आउँदै गरेको रौता कन्स्ट्रक्सनको टिफरले बालकलाई ठक्कर दिएको हो ।
प्रकाशित : वैशाख २७, २०७५ १५:१६प्रतिक्रिया
