ट्रकको ठक्करबाट भारतीय नागरिकको मृत्यु
ललितपुर — ग्यास सिलिण्डर बोकेर ललितपुरको सातदोबाटोबाट एकान्तकुनातर्फ जाँदै गरेको ट्रकको ठक्करबाट एक भारतीय नागरिकको मृत्यु भएको छ ।
ना ६ ख ६७१ नम्बरको ट्रकले भारत घर भइ सानेपा बस्दै आएका ५५ वर्षीय बलनधारी प्रसाद कलवारलाई ठक्कर दिएको थियो ।
गम्भीर घाइते भएका कलवारको उपचारका क्रममा बी एण्ड बी अस्पतालमा मृत्यु भएको ललितपुर ट्राफिक प्रहरी प्रमुख सीताराम हेछेतुले जानकारी दिए ।
ट्रकका चालक सुरज लामालाई प्रहरीले नियन्त्राणमा लिएको छ ।
प्रकाशित : श्रावण ३, २०७५ १५:३२प्रतिक्रिया