ब्लड क्यान्सरपीडित बालकलाई सहयोग
काठमाडौँ — शेरा स्मृति स्वास्थ्य, शिक्षा प्रतिष्ठानले रक्त क्यान्सरपीडित १२ वर्षीय सुनिल घलेलाई सहयोग हस्तान्तरण गरेको छ ।
देश विदेशमा रहेका नेपालीबाट संकलित ८२ हजार रुपैयाँ प्रदेश ३ की उपसभामुख राधिका तामाङले बिहीबार इसान अस्पताल बसुन्धारा पुगेर बालककी दिदी रोजिना घलेलाई हस्तान्तरण गरेकी हुन् । पीडित बालकको सोही अस्पतालमा उपचार चलिरहेको छ ।
प्रतिष्ठानले १ लाख ६४ हजार सहयोग संकलन गरेको थियो । बाँकी रहेको रकम बोनम्यारो प्रत्यारोपण गर्न सिभिल अस्पताल बानेश्वरमा उपचारत अनिता श्रेष्ठलाई हस्तान्तरण गरिने प्रतिष्ठानका कोषाध्यक्ष डिबी तामाङले बताए ।
शेरा प्रतिष्ठान प्रदेश नं ३ की उपसभामुख राधिका तामाङका आमा-बुबाको स्मृतिमा स्थापना गरिएको हो ।
प्रकाशित : श्रावण १०, २०७५ १९:०६प्रतिक्रिया