फोनिजद्वारा पुरस्कृत हुने चार पत्रकारको नाम सार्वजनिक 

फोनिजका अनुसार यसवर्ष पत्रकारहरु उजिर मगर (अनलाइन), भैरव आङला (टेलिभिजन), छेटु शेर्पा (छापा) र विमला चौधरी (रेडियो) विधामा पुरस्कृत हुनेछन् । पुरस्कार छनौट समितिको निर्णय फोनिज सचिवालयको मंगलबारको बैठकले अनुमोदन गरेको हो ।

उनीहरुलाई फोनिजको स्थापना दिवसको अवसरमा साउन २७ गते पुरस्कार प्रदान गरिने छ । पुरस्कार राशि जनही ४० हजार रुपैयाँ रहेको छ ।

२०५२ देखि पत्रकारिता थालेका मगर एभरेष्ट दैनिक डटकम अनलाइनमा कार्यरत छन् । उनी नेपाल पत्रकार महासंघका निवर्तमान महासचिव र फोनिजका सल्लाहकारसमेत हुन् ।

आङ्ला २०५६ सालबाट पत्रकारितामा प्रवेश गरेका हुन् । सुनसरीबाट एबीसी टेलिभिजनमा काम गरिरहेका आङला धरानको विजयपुर एफएमका कार्यक्रम संयोजक पनि हुन । शेर्पा अन्नपूर्ण दैनिकमा कार्यरत छन् भने चौधरी बाँकेको नेपालञ्जस्थित रेडियो सदभावमा कार्यरत छिन् ।