बाढीले बगाएर मृत्यु

अबिरल वर्षासँगै हनुमन्ते खोलामा आएको बाढीले बगाएर बनेपा नगरपालिका–१४ घरभई भक्तपुर–१० कमलविनायक भत्केको पाटी बस्ने ४२ वर्षीय शंकर तामाङको मृत्यु भएको प्रहरीले जनाएको छ ।

तामाङको शव मध्यपुर थिमि–४ चाणक्य कलेज पछाडिको हनुमन्ते खोलामा भेटिएको महानगरीय प्रहरी परिसर भक्तपुरका प्रवक्ता डीएसपी रेवतीरमण पोखरेलले बताए । मृतकको शव पोष्टमार्टमको लागि भक्तपुर अस्पतालमा पठाइएको उनले बताए ।