बन्द भए पशुपतिका सांस्कृतिक बाटा

पर्खालले ढोकाबाट छिर्ने बाटो बन्द गरेको छ 
कान्तिपुर संवाददाता

काठमाडौँ — पशुपति क्षेत्र विकास कोषसँगैको वेदविद्याश्रम माविको दक्षिणतिर अहिले धमाधम पर्खाल लगाइँदै छ । पशुपति क्षेत्रका ९ बस्ती मध्येको एक इतापाखा हुँदै यही स्कुलभित्र जाने बाटो थियो यहाँ । त्यहाँ पस्ने एउटा थोत्रो ढोका अहिले पनि छ ।

त्यही ढोकाको माथितिरबाट पर्खाल गएको छ । पर्खालले ढोकाबाट छिर्ने बाटो बन्द गरेको छ । अब यहाँबाट गुठीयार भित्र जान पाउने छैनन् ।

यो गेटको दक्षिणतिरबाट अर्काे बाटो थियो । यो त्यही बाटो हो, जहाँबाट पशुपति क्षेत्रका मुख्य जात्रा चलाइन्छ । कोषको पूर्वतिर लगाइएको पर्खालले यो बाटो पनि बन्द भएको छ । पशुपतिनाथका भण्डारी केदारमान भण्डारीका अनुसार यो बाटो देशोद्धार पूजा गर्दा प्रयोग हुन्छ । ‘देशोद्धार पूजा पशुपति क्षेत्रको मात्र नभई उपत्यकाकै पहिलो जात्रा हो,’ भण्डारी भन्छन्, ‘अहिले यो बाटो बन्द गरियो ।’

Yamaha

यही बाटो भएर पशुपतिको अर्काे महत्त्वपूर्ण जात्रा त्रिशूल जात्रा पनि मनाउने गरिन्छ । यो जात्राको मार्ग पनि इतापाखामै भेट हुन्छ । यहाँबाट जयवागेश्वरी, सिफल, सिफल डाँडा घुमेर फेरि पशुपति नै आउँछ । ‘यहाँ पनि समस्या छ,’ उनी भन्छन्, ‘बाटो मिचिएका छन् । कतै व्यक्तिले कम्पाउन्ड लगाएका छन् । त्रिशूल जात्राकै तीन वटा खट हुन्छन् । ती खट लैजान समस्या हुन्छ ।’

प्रकाशित : भाद्र ७, २०७५ ०८:४०
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

जिल्ला समन्वय समितिका अधिकृत माथि छुरा प्रहार

टीकाप्रसाद भट्ट

रामेछाप — जिल्ला समन्वय समिति रामेछापमा कार्यरत कार्यक्रम अधिकृत नारायणप्रसाद सुवेदी माथि बुधबार राति छुरा प्रहार भएको छ । 

मन्थली नगरपालिका–१ स्थित आफ्नै घरको माथिल्लो तलामा सुतिरहेका बेला मुखमा मास्क लगाएर अाएका अपरिचित व्यक्तिले उनको पेटमा छुरा प्रहार गरेको हो। छुरा प्रहार गरे लगत्तै ती ब्यक्ति फरार भएका थिए।

सुवेदीलाई तत्कालै मन्थलीको तामाकोशी सहकारी अस्पतालमा उपचारका लागि ल्याइएको थियो। त्यहाँ उपचार हुन नसके पछि थप उपचारका लागि राति नै धुलिखेल अस्पताल पठाइएको छ। धुलिखेल अस्पतालमा उनको शल्यक्रिया भएको जनाइएको छ।

सरल स्वभावका सुवेदीमाथि भएको आक्रमणको कारण खुल्न सकेको छैन। कसैसँग पनि झगडा नभएको र कुनैपक्षबाट यस अघि धम्की दिएको जानकारीमा नआएको परिवारजनले जनाएका छन्।

प्रहरी निरीक्षक राजेन्द्रकुमार थापाले घटनामा संलग्नको खोजी सुरु भएको र शंकास्पद ठाँउमा खानतलासी बढाएको बताए।

प्रकाशित : भाद्र ७, २०७५ ०८:३७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT